ថ្ងៃអង្គារ៍ ទី២៣ ខែកក្កដា ឆ្នាំ២០៥០
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
លោក​វ៉ា​សុធា​រង​ការរិះគន់​ធុំក្លិន​មិន​សូវ​ល្អ​អង្គភាព​ប្រឆាំង​អំពើពុករលួយ​គួរ​ដាក់​ការ​ស៊ើបអង្កេត​?
Sep 2 2017 10:16AM
ដោយ ៖ គតិជាតិខ្មែរ (ចំនួនអ្នកអាន: 1798នាក់)


ភ្នំពេញ ៖ យោង​ប្រភព​ពី​សាលា​រាជធានី​ភ្នំពេញ​បានឲ្យដឹងថា នៅ​ពេល​ថ្មីៗ​នេះ​មាន​ការរិះគន់​និង​ខ្សឹបខ្សៀវ​លោក វ៉ា សុធា ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ​សាលា​រាជធានី​ភ្នំពេញ​រួម​គ្នា​ប្រព្រឹត្ត​អំពើពុករលួយ​ដោយ​មិន​ខ្លាច​ញញើត​ទៅនឹង​ច្បាប់​អង្គភាព​ប្រឆាំង​អំពើពុរលួយ​ដែល​ដឹក  នាំ​ដោយ​ឯកឧត្តម​ឱម​យុិនទៀង​ជា​ប្រធាន​អង្គភាព ។​

​ប្រភព​បន្តថា​លោក​វ៉ា​សុធា​ប្រព្រឹត្ត​អំពើ​ពុករលួយ​ជា​យូរ​មក​ហើយ​មិន​ទាន់​មាន​ថ្នាក់លើ​មើលឃើញ​ទង្វើ​របស់​លោក​វ៉ា​សុធា​នោះទេ​។ 

​ក្រុម​មន្ត្រី​បំរើ​ការងារ​ក្នុង​សាលាក្រុង​ភ្នំពេញ​សង្ឃឹមថា​បន្ទាប់​ពី​មាន​ការផ្លាស់ប្ដូរ​លោក​ប៉ា​សុជាតិ​វង្ស​អភិបាល​រាជធានី​ភ្នំពេញ​ដែល​ត្រូវ​ចូលនិវតន៍​ជំនួស​មក​វិញ​ឯកឧត្ត​ម​ឃួ​ង​ស្រេង​ជា​អភិបាល​នៃ​គណ​អ​ភិល​រាជធានី​ភ្នំពេញ​ដឹកនាំ​ក្បាលម៉ាស៊ីន​រចនាសម្ព័ន្ធ​ការងារ​មួយចំនួន​ក្នុង​សាលា​រាជធានី ភ្នំពេញ​នឹង​មាន​ការប្រសើ​ឡើង​ជាង​ជំនាន់​លោកប៉ា​សុជាតិ្ត​វង្ស​ដឹកនាំ​ជា​អភិបាលរាជ​ធា​នី​ភ្នំពេញ​នា​ពេលកន្លងមក​។​ប្រភព​បន្ត​ឲ្យដឹង​ទៀត​ថា​ក្រុមមន្ត្រី្ដ ដែល​ប្រព្រឹត្ត​អំពើ​ពុករលួយ​កំពុង​តែ​ចាប់ផ្តើម​មាន​ភាព​រំជើប​រំជួល​ស្លន់ស្លោ​ស្វែងរក​ខ្នងបង្អែក​ថ្មី ។​

​កាលពី​សម័យ​លោកប៉ា​សុជាតិ​វង្ស​ដឹកនាំ​គ្រប់គ្រង​មន្ត្រី​នៅ​សាលាក្រុង​គេ​ឃើញ​ហាក់ដូចជា គ្មាន​តម្លាភាព សូម្បីតែ​លោក វ៉ា សុធា ប្រធាន​មន្ទីរ​សេដ្ឋកិច្ច និង​ហិរញ្ញវត្ថុ​សាលា​រាជធានី​ភ្នំពេញ ក៏​ពុំ​សូវ​ស្តាប់​តាម​បទបញ្ជា​របស់​លោក​ប៉ា​សុជាតិ​វង្ស់​អភិបាល​រាជធានី​ភ្នំពេញ​ឱ្យមាន​ប្រសិទ្ធភាព​ផងដែរ ។​

​សកម្មភាព​ទាំងនេះ ស្តែង​ឱ្យឃើញ​ពី​ការ​មិនសូវ​គោរព ឬ​គោរព​តែ​នៅ​ចំពោះ​មុខ​ប៉ុណ្ណោះ តែ​នៅ​ពីក្រោយ​ធ្វើ​ព្រងើយ កន្តើយ​ទៅវិញ​ បុគ្គល វ៉ា សុធា បាន​ធ្វើ​រឹក​យ៉ាង​សម្បើម​ដាក់​មន្ត្រីៗ​ធ្វើ​ការងារ​នៅ​សាលា រាជធានី​ភ្នំពេញ យ៉ាង​ក្រអឺតក្រទម​បំផុត តាមរបៀប​បក្ខពួកនិយម ។​

​ក្រុម​មន្ត្រី​ដដែល​បាន​បន្ត​ថា​ពួកគាត់​ចាំ​មើល​របៀប​ដឹកនាំ​ឯកឧត្តម​ឃួង​ស្រេង​អភិបាលនៃ​គណ​អភិបាល​រាជធានី​ភ្នំពេញ​ទើប​តែ​ឡើងកាន់តំណែង​ថ្មីៗ​នេះ​និង​រៀបចំ​រចនាសម្ព័ន្ធ​នៅ​ក្នុង​សាលា​រាជធានី​ភ្នំពេញ​ឲ្យមាន​តម្លាភាព​និង​ចាត់ការ​ក្រុមមន្ត្រី​ប្រព្រឹត្ត​អំពើពុករលួយ​កិបកេង​ថវិកាជាតិ​ជាក់​ជា​ពុំខាន​ឡើយ​។​

​ប្រភព​ព័ត៌មាន​ដដែល​បាន​លើកឡើង​ថា បុគ្គល វ៉ា សុធា ប្រធាន​មន្ទីរ​សេដ្ឋកិច្ច និង​ហិរញ្ញវត្ថុ​នៃ​សាលា​រាជធានី​ភ្នំពេញ ដែល​បាន​កាន់​អំណាច​តួនាទី​ប្រព្រឹត្ត​អំពើពុករលួយ​ដុះ​ស្លែ ពេញទំហឹង​ដោយ​គ្មាន​នរណា​ចាត់ការ​ឡើយ ។ 

​ដោយ​លោក វ៉ា សុធា ចេះ​ចាត់ចែង​លាភសក្ការៈ​ឲ្យ​មេ​កើយ​របស់ខ្លួន​ទើប​រក្សា​តំណែង​រហូត​ដល់​សព្វថ្ងៃ ។ កាលពីរ​អំឡុង​អំណាច​លោក ប៉ា សុជាតិ​វង្ស អភិបាល​រាជធានី​ភ្នំពេញ លោក​វ៉ា​សុធា បានធ្វើ​សកម្មភាព​កេងប្រវ័ញ្ច​ស៊ី​ឡាក់ កឹ​បកេង ស៊ី​ពីលើ​ជំនាញ​តាមរយៈ​លទ្ធកម្ម​គ្រប់សព្វ​សារពើ​នៃ សាលា​រាជធានី​ភ្នំពេញ ទើប​ធ្វើឱ្យ​លោក​វ៉ា សុធា គ្រប់ទឹក​គ្រប់​ធ្វើ​មាន​ធ្វើ​បាន​សល់​លុយ​កាក់​ឡាន ដី​ឡូតិ៍ ភូមិគ្រឹះ​រហូត​គាត់​ក្លាយជា​អ្នក​មាន​ទ្រព្យសម្បត្តិ​យ៉ាង​ស្តុកស្តម្ភ​មហាសាល​ហ៊ី​ហារ​មិន​ចាញ់​ឧត្តម​មន្ត្រី​ឧកញ៉ា​នោះឡើយ ។ 

​កត្តា​ទាំងអស់​នេះ បាន​ធ្វើអោយ​គណបក្ស​ប្រជាជន​កម្ពុជា​បាត់​សម្លេង​ឆ្នោត​ពីរ​មួយ​អាណត្តិ​ទៅ​មួយ​អាណត្តិ​ជា​បន្តបន្ទាប់ ដោយសារ​មន្ត្រី​ថ្នាក់ក្រោម​មិន​អនុវត្ត​តាម​បទ​បញ្ជា​ថ្នាក់លើ​មេ​កើយ​របស់ខ្លួន ប្រឆាំង​ទៅនឹង​កំណែទម្រុង​ស៊ីជម្រៅ​របស់​ប្រមុខ​រាជរដ្ឋាភិបាល​ដឹកនាំ ដោយ​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នឹង​ប្រធាន​គណបក្ស​ប្រជាជន​កម្ពុជា ។​

​ប្រភព​បាន​បង្ហើប​ឲ្យដឹង​ទៀតថា លោក វ៉ា សុធា តែងតែ​ប្រព្រឹត្ត​សកម្មភាព​ទុច្ចរិត​ដោយ​ឃុបឃិត​គ្នា​ប្រើ​ល្បិច​កឹបកេងប្រវញ្ច​ដក​យក​ផលប្រយោជន៍​ទៅ​តាម​ជំនាញ​រៀងៗ​ខ្លួន ពី​គម្រោង​សាងសង់​អគារ​ហេ​ដ្ឋា​រចនាសម្ពន្ធ័​នានា​តាមខ​ណ្ឌក្នុង​រាជធានី​ភ្នំពេញ ដោយ​ភូតភរ​កុហក​កេងប្រវញ្ច័​យក​ថវិកា​របស់​រដ្ឋ តាមរយៈ​ការស្ថាបនា​សួនច្បារ​ការដាក់​លូ​តូចធំ ការស្ថាបនា​ផ្លូវ​ថ្នល់​ស្ពាន​ផ្លូវ​ក្រវាត់ក្រុង​ប្រព្រឹត្ត​អំពើ​ពុករលួយ​ពី​ការរៀបចំ​កែលំអ​អំពូល​ភ្លើង​បង្គោល​ភ្លើង​និង​ជួសជុល​អ្វីៗ​ផ្សេងៗ​ទៀត​ក្នុង​ក្រុង ។​ល​។ ទង្វើ​ទាំងអស់នេះ គឺ​បាន​ផ្ទុយ​ពី​គោលនយោបាយ​កំណែ​ទម្រង់​របស់​រាជរដ្ឋាភិបាល​ប្រឆាំង​ទៅនឹង​បទ​បញ្ជា ០១ ចុះ​ថ្ងៃ​ទី​០៩ ខែតុលា ឆ្នាំ​២០១៦ របស់​សម្ដេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ។​

​ពាក់​ពន្ធ័​ព័ត៏មានដ៍​រសើប​ខាង​លើ​នេះ សារព័ត៏មាន​យើង​ព្យាយា​សុំ​ការបកស្រាយ​ពី​លោក​វ៉ា​សុធា​ដែរ​តែ​គ្មាន​លេខ​ទូរស័ព្ទ​ទំនាក់ទំនង​យើងខ្ញុំ​ព្យាយាម​បន្ត ៕  

 
 

ព័ត៌មានគួរចាប់អារម្មណ៍

សម្របសម្រួល​គ្នា ? មេ​ពន្ធដារ​ស្នើ​ឲ្យ​បញ្ចប់​វិវាទ​ផ្ទាល់ខ្លួន​រវាង​មេ​រង​ពន្ធដារ វ៉ាន់ ពុទ្ធិ​ពល និង​ក្រុម​មេធាវី​៦១​នាក់ ដោយ​សន្តិវិធី និង​យោគយល់​គ្នា​ក្នុង​កម្រិត​ខ្ពស់បំផុត (គតិជាតិខ្មែរ)

ព័ត៌មានគួរចាប់អារម្មណ៍

ឈ្មួញ​​ឈើធំ ជាមន្រ្តីប៉េអឹមខេត្ត​ត្បួងឃ្មុំ ឈ្មោះ​ ស្រ៊ុន ផឹងឡាយ​ មានខ្នងបង្អែ​កដ៍រឹង​មាំក្នុងខេត្ត​ ធ្វើសកម្មភា​ពដឹក​ឈើប្រណិត​ ទៅលក់នៅស្រុកយួន ពេញបន្ទុក (គតិជាតិខ្មែរ)

ព័ត៌មានគួរចាប់អារម្មណ៍

គណៈមេធាវី​ប្រុង​ធើ​កលោក វ៉ាន់ ពុទ្ធិ​ពល អគ្គនាយករង​ពន្ធដារ មែនទែន​ហើយ​! (គតិជាតិខ្មែរ)

ព័ត៌មានគួរចាប់អារម្មណ៍

រដ្ឋធម្មនុញ្ញ និង​ច្បាប់​ស្តីពី​ទូរគមនាគមន៍​ក្លាយជា​«​ក្រដាសអនាម័យ​» នៅពេលដែល​ការសន្ទនា​តាម​ប្រព័ន្ធ​ទូរគមនាគមន៍​«​បែកធ្លាយ​ដូច​ទឹកបាក់​ទំនប់​» (គតិជាតិខ្មែរ)

ព័ត៌មានគួរចាប់អារម្មណ៍

​ប៊ុន សេរី អធិរាជ​ស្តេច​លុយ​ប្រចាំ​សាលាក្រុង​ភ្នំពេញ​ខ្លួន ជាលា​ពាក់​ស្បែក​ខ្លា​ប្រឹង​បឺត​ជញ្ជក់​ឈាម​ជាតិ​ឆ្អែត​ហើយ​ឬ​នៅ ? (គតិជាតិខ្មែរ)

វីដែអូ

ចំនួនអ្នកទស្សនា

ថ្ងៃនេះ :
46957 នាក់
ម្សិលមិញ :
41039 នាក់
សប្តាហ៍នេះ :
431407 នាក់
ខែនេះ :
2487918 នាក់
3 ខែនេះ :
7007705 នាក់
Online :
15689 នាក់
សរុប :
58160942 នាក់