លោក ភេ សុមុនី មេសាខាគយរាជធានីភ្នំពេញប្រើអំណាចអោយកូនចៅដើរប្រមូលលុយគ្រប់ច្រកល្ហកតាមរបៀបពុករលួយមិនញញើតនឹងអង្អភាពប្រឆាំងអំពុករលួយ
លោក ឌួង ឆាយ កូនប្រុសឧកញ៉ាឧត្តមសេនីយ៍ប៉ូលិស ឌួង ងៀប រងការចោទប្រកាន់ថា បានចេញមុខអន្តរាគមន
ជួយជនបរទេសម្នាក់ដែលស៊ីដាច់ប្រាក់អតិថិជនក្រុមហ៊ុនជាង៣លានដុល្លារ
កាលពីថ្ងៃទី២៣ ខែមិថុនា ឆ្នាំ២០១៧កន្លងទៅថ្មីៗ បុរសជនជាតិសិង្ហបុរីម្នាក់ឈ្មោះ Eng Wei Khiong អាយុ៣៤ឆ្នាំ
ជាអ្នកចាត់ចែងក្នុងក្រុមហ៊ុន Securecom Media Co.,Ltd. ត្រូវបានសមត្ថកិច្ចនគរបាលព្រហ្មទណ្ឌកម្រិតធ្ងន់ក្រសួងមហាផ្ទៃ
ចាប់ឃាត់ខ្លួននៅព្រលានយន្តហោះអន្តរជាតិភ្នំពេញពាក់ព័ន្ធនឹងករណីស៊ីដាច់ប្រាក់អតិថិជនក្រុមហ៊ុនជាង៣លានដុល្លារអាមេរិក
ហើយបម្រុងឡើងយន្តហោះរត់គេចខ្លួន ខណៈលោក ឌួង ឆាយ ត្រូវជាកូនប្រុសរបស់លោកឧកញ៉ាឧត្តមសេនីយ៍ប៉ូលិស ឌួង ងៀប
ត្រូវទទួលរងការចោទការចោទប្រកាន់ថា បានចេញមុខជួយអន្តរាគមន៍ដល់បុរសឈ្មោះ Eng Wei Khiong និងបុរសជនបរទេសជាជន
សង្ស័យម្នាក់ទៀតឈ្មោះ Yeo Boon Yong យ៉ាងសកម្ម ។
សេចក្តីរាយការណ៍បានឲ្យគតិជាតិខ្មែរដឹងថា ទោះបីមានការចេញមុខជួយអន្តរាគមន៍ពីសំណាក់លោក ឌួង ឆាយ យ៉ាងណាក៏ដោយ ក៏បុរស
ឈ្មោះ Eng Wei Khiong ត្រូវបានចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនបណ្តោះអាសន្នដាក់ពន្ធនាគារនៅ
ថ្ងៃទី២៦ ខែមិថុនា ឆ្នាំ២០១៧នេះ ក្រោមការចោទប្រកាន់ពីបទឆបោក ដើម្បីរង់ចាំការស៊ើបអង្កេតរកគូកនដែលកំពុងគេច
ខ្លួនបន្តទៀត បន្ទាប់ពីសមត្ថកិច្ចនគរបាលបានបញ្ជូនសំណុំរឿងមកកាន់តុលាការកាលពីថ្ងៃទី២៥ ខែមិថុនា ឆ្នាំ២០១៧ម្សិលមិញ ។
យោងតាមពាក្យបណ្តឹងរបស់មេធាវីតំណាងក្រុមហ៊ុន Securecom Media Co.,Ltd. ដែលប្តឹងប្រឆាំងឈ្មោះ Yeo Boon Yong ជានាយក
ក្រុមហ៊ុន និងឈ្មោះ Eng Wei Khiong ជាអ្នកចាត់ចែងក្នុងក្រុមហ៊ុនពីបទឆបោក និងរំលោភលើទំនុកចិត្តអតិថិជនក្រុមហ៊ុនចំនួន
១២នាក់ស្មើនឹងទឹកប្រាក់ចំនួនជាង៣លានដុល្លារអាមេរិកនោះ បានបញ្ជាក់ឲ្យដឹងថា កាលពីអំឡុងខែសីហា ឆ្នាំ២០១៦ក្រុមហ៊ុន
Securecom Media Co.,Ltd. បានប្រកាសផ្សព្វផ្សាយពាណិជ្ជកម្មធ្វើអាជីវកម្មលក់ភាគហ៊ុនដែលមានទីតាំងឋិតនៅក្នុងក្រុមហ៊ុន
FUGI រហូតទទួលបានជោគជ័យ ដោយអតិថិជនមួយចំនួនបានបើកគណនី និងដាក់ប្រាក់ក្នុងក្រុមហ៊ុនជាច្រើនលានដុល្លារអាមេរិក
ដើម្បីធ្វើអាជីវកម្មវិនិយោគតាមការផ្សព្វផ្សាយរបស់ក្រុមហ៊ុន ។ ក្រោយដំណើរការបានប្រមាណ០៣ខែ គឺក្រុមហ៊ុនក៏បានផ្លាស់ប្តូរ
លក្ខន្តិកៈរបស់ខ្លួនដោយដកលោក ឯក សារឿន ជានាយកក្រុមហ៊ុនចេញ និងដាក់បញ្ចូលឈ្មោះ Yeo Boon Yong ជំនួសវិញ ។
ពាក្យបណ្តឹងរបស់មេធាវីតំណាងក្រុមហ៊ុន Securecom Media Co.,Ltd. បានបញ្ជាក់ទៀតថា ការផ្លាស់ប្តូរលក្ខន្តិកៈក្រុមហ៊ុនជាញឹកញាប់
បន្តបន្ទាប់មកនោះ គឺផ្ទុយទៅនឹងស្មារតីនៃកិច្ចព្រមព្រៀងរបស់ក្រុមហ៊ុនចុះថ្ងៃទី០១ ខែសីហា ឆ្នាំ២០១៦ទាំងស្រុង ព្រមទាំងប្រាក់
ចំណេញរបស់ក្រុមហ៊ុន ក៏លែងមានឃើញដែរ ។ លើសពីនេះ ឈ្មោះ Yeo Boon Yong និងឈ្មោះ Eng Wei Khiong បានប្រព្រឹត្តអំពើទុច្ចរិត
ដោយបង្វែរប្រាក់របស់ក្រុមហ៊ុនទៅជាប្រាក់កម្មសិទ្ធិផ្ទាល់ខ្លួននៅឯបរទេស ហើយមានបំណងគេចវេះមិនទទួលខុសត្រូវបណ្តាលឲ្យ
ប៉ះពាល់ដល់ផលប្រយោជន៍របស់អតិថិជនក្រុមហ៊ុនយ៉ាងធ្ងន់ធ្ងរ ។
ប្រភពព័ត៌មានពីសមត្ថកិច្ចបានបង្ហើបប្រាប់ឲ្យដឹងថា នៅពេលសមត្ថកិច្ចនគរបាលបើកប្រតិបត្តិការចាប់ឃាត់ខ្លួនជនសង្ស័យតាម
ពាក្យបណ្តឹងរបស់មេធាវីតំណាងក្រុមហ៊ុន Securecom Media Co.,Ltd. នោះ គឺឃាត់ខ្លួនបានឈ្មោះ Yeo Boon Yong និងឈ្មោះ Eng Wei Khiong
ខណៈស្របពេលលេចមុខលោក ឌួង ឆាយ មកអន្តរាគមន៍ជួយដោះស្រាយមិនឲ្យសមត្ថកិច្ចចាប់ឃាត់ខ្លួនឈ្មោះ Yeo Boon Yong
ដោយគ្រាន់តែដកលិខិតឆ្លងដែនទុកបានហើយៗសន្យាថា នឹងឲ្យឈ្មោះ Yeo Boon Yong ចូលខ្លួនមកបំភ្លឺសមត្ថកិច្ច ឬស្ថាប័នតុលាការ
នៅពេលក្រោយ ។ ប៉ុន្តែលោក ឌួង ឆាយ មិនបានគោរពតាមការសន្យារបស់ខ្លួនទេ បែរជាព្យាយាមលាក់បំពួនជនសង្ស័យឈ្មោះ
Yeo Boon Yong ទៅវិញជាហេតុធ្វើឲ្យមានការលំបាកដល់ការអនុវត្តនីតិវិធីរបស់សមត្ថកិច្ច ។
សារព័ត៌មានគតិជាតិខ្មែរ មិនទាន់អាចសុំការបំភ្លឺបញ្ជាក់ពីលោក ឌួង ឆាយ បាននៅឡើយទេជុំវិញការចោទប្រកាន់ខាងលើ
គិតត្រឹមថ្ងៃទី២៦ ខែមថុនា ឆ្នាំ២០១៧នេះ ៕
![]()
![]()
![]()