គណបក្សហ្វ៊ុនស៊ិនប៉ិច គ្រោងធ្វើសមាជវិសាមញ្ញប្តូររូបសញ្ញា និងសម្រួលគោលនយោបាយ
ពាក់ព័ន្ធ នឹង ករណីបែកធ្លាយរឿងអាស្រូវច្រកទ្វារក្រោយរបស់ជំទាវធំគយ គុណ ញឹម លូកដៃកកូរកកាយការងារផ្ទៃក្នុងគយយ៉ាងពេញបន្ទុកនេះបានធ្វើអោយជះឥទ្ធិពលអាក្រក់ដល់មុខមាត់របស់ស្ថាប័ន អគ្គនាយកដ្ឋានគយ និង រដ្ឋាករកម្ពុជា ទាំងមូល។ ហើយបញ្ហាដ៏រសើបនេះមិនត្រឹមតែធ្វើអោយប៉ះពាល់ដល់មុខមាត់របស់ ក្រសួងសេដ្ឋកិច្ច និង ហិរញ្ញវត្ថុ ប៉ុណ្ណោះទេ ថែមទាំងបានធ្វើអោយប៉ះពាល់ដល់គោលនយោបាយលើការប្រមូលពន្ធថ្នាក់ជាតិរបស់រដ្ឋាភិបាលទៀតផង។ ព្រោះតែក្រុមមន្ត្រីបានអាក់អន់ស្រពន់ចិត្តជុំវិញការប្រើអំណាចរឿងកកូរកកាយរបស់ជំទាវធំដែលលូកដៃកូរទៅក្នុងស្ថាប័នគយបង្ករនាំអោយប៉ះពាល់ជាបញ្ហាធំយ៉ាងស៊ីជម្រៅទៅក្នុងស្ថាប័នគយជុំវិញការតែងតាំងមន្ត្រីគយទៅតាមស្ថាប័នជាក្បាលម៉ាស៊ីនប្រមូលពន្ធថ្នាក់ខេត្តនានា និង តាមគោលដៅការិយាល័យ និង តាមនាយកដ្ឋាន មួយចំនួនចំណុះអោយអគ្គនាយកដ្ឋានគយ និង រដ្ឋាករកម្ពុជាទាំងមូល។
ផ្ទុយទៅវិញពាក់ព័ន្ធជំវិញរឿងអាស្រូវ នឹង ជំទាវធំមេគយធំល្បីតែខាងលូកដៃកកូរកកាយផ្ទៃក្នុងគយនាំអោយប៉ះពាល់ដល់កិត្តិយសគយថ្នាក់ជាតិបែបនេះគួរណាស់តែស្ថាប័នក្រសួងមួយនេះដាក់ការស៊ើបអង្កេតជាបន្ទាន់ នឹង កំណែទម្រង់ស៊ីជម្រៅឡើងវិញផងដែរ។ដែលមិនគួរអោយភាពអគតិដឹកមុខ(ប្ដីផ្កាយប្រាំ ឯជំទាវផ្កាយប្រាំមួយ)លូកដៃទៅកូរការងារផ្ទៃក្នុងរបស់ស្ថាប័នគយថ្នាក់ជាតិនោះទេ។
មិនតែប៉ុណ្ណោះ មន្ត្រីបានលើកឡើងថា ៖ ប្រការដែលមេគយធំ បណ្ឌិត គុណ ញឹម ធូរលុងអោយប្រពន្ធជំទាវលូកដៃចូលទៅក្នុងការតែងតាំងមន្ត្រីគយមួយចំនួនរួចហើយមាននូវតាមប៉ុស្ដិ តាមសាខា និង តាមមាត់ច្រកទ្វារអន្ដរះជាតិ មួយចំនួននោះ។ព្រមទាំងករណីជាក់ស្ដែងដូចជាមេសាខាគយខេត្តព្រះសីហនុ នោះ បានក្លាយទៅជាកម្មវត្ថុរិះគន់យ៉ាងពេញបន្ទុកពីមន្ត្រី នឹងមន្ត្រីចោទប្រកាន់ថា៖ពោរពេញទៅដោយអំពើពុករលួយដែលសូម្បីតែនាយអគ្គនាយកដ្ឋានគយរងទទួលបន្ទុកក៏មិនមានអំណាចពិតប្រាកដក្នុងការលូកដៃទៅប្រឆាំងបាន បទបញ្ជាជុំវិញការតែងតាំងមន្ត្រីអសកម្មមិនប្រក្រតីមួយចំនួនក្នុងស្ថាប័នគយ នោះ។ប៉ុន្តែ ឯចំណែកជំទាវធំ គុណ ញឹម អាច ។
ជាការពឹតហើយដែលផ្ទៃក្នុងមន្ត្រីបានលើកឡើងថា៖មិនដឹងថាតើ លោកនាយបណ្ឌិត គុណ ញឹម ជាអ្នកបើកដៃអោយលោកជំទាវ ប៉ាន់ ត្រាប្រណី ឫ ជំទាវពៅ របស់ខ្លួនជាអ្នកលូកដៃកូរនូវពីខាងក្រោយខ្នងក៏មិនដឹង ឫក៏លោកជំទាវ ពៅ ប្រើសិទ្ធិ នឹងអំណាចជាជំទាវធំទៅគ្របតណ្ដប់លើការតែងតាំងមន្ត្រីគយបានយ៉ាងមានប្រសិទ្ធិភាពបំផុត។
ជាទូទៅមន្ត្រីបានលើកឡើងថា ៖ ប្រាកដជាធ្លាប់បានដឹង បានឮរួចហើយថា កម្រណាស់ ឬ សឹងតែរកគ្មានផងដែលអ្នកធ្វើគយនៅកម្ពុជាមានជីវភាពធូរធា ហ៊ឺហា ហើយក៏សឹងមិនជឿដែលថាអ្នកអាចចូលបម្រើការងារគយនៅកម្ពុជាបានជាអ្នកមានតែសែស្រឡាយ បក្សពួកនិយមគយ ប៉ុណ្ណោះដែលអាចចូលគយបាន ដោយគ្មានចំណាយលុយកាក់ផងអោយតែជាប់ជាខ្សែស្រឡាយគយស្រាប់ ។ហើយឯមន្ត្រីខាងក្រៅកុំសង្ឃឹមឡើយថាមានវាសនាក្លាយខ្លួនជាមន្ត្រីគយនោះ។
សូម្បីតែប្រាថ្នាត្រឹមមន្ត្រីរាជការគយធម្មតាក៏គ្មានសង្ឃឹមផង។ធាតុពឹតវាជាការច្រណែនមួយដែលក្រុមមន្ត្រីខាងផ្នែក ក្រសួងឬស្ថាប័នគ្មានចំណូលមួយចំនួនបាននិយាយចំអកលេងរបៀបមែនថា៖នៅស្ថាប័នគយក្នុងការដកផ្ទេរផ្ទូរតំណែងគេមិនដែលនិយាយពីមាត់ទទេ ទេ ! គឺគេគុណ នឹងកម្រះលុយព្រមទាំងខ្នងបង្អែកធំតូចផងដែរ ទើបអាចតូរយកតំណែងកៅអីខ្លាញ់បាន។ធាតុពិតការសុបិន្តរបស់មន្ត្រីក្រៅក្របខ័ណ្ឌ«បើដកតំណែងបច្ចុប្បន្នឲ្យទៅធ្វើគយវិញ ក៏សុខចិត្តដែរ»ព្រោះងាយស្រួល ស្រង់ដើម សល់ ដីលុយ ឡាន វិល្លារគីបៗក្លាយជាសេដ្ឋី ឧកញ៉ាមានបានលើញើសឈាមរដ្ឋ មានពិបាករកស៊ីនោះ ។
បើតាមក្រុមអ្នកជំនួញស្និទ្ធនឹងមន្ត្រីគយ និងក្រុមមន្ត្រីគយតូចតាចរកលុយបានតិច ហើយឡើងឋានន្តរស័ក្តិយឺតដូចកៅស៊ូមួយចំនួនបានបង្ហើបប្រាប់ឲ្យដឹងទៀតថា៖ ការតែងតាំងមុខតំណែង និងការផ្ទេរភារកិច្ចមន្ត្រីគយ និងរដ្ឋាករគ្រប់លំដាប់ថ្នាក់ក្រោមឱវាតអគ្គនាយកដ្ឋានគយ និងរដ្ឋាករកម្ពុជាចាប់ពីភ្នាក់ងារ (ឈរជើងនៅតាមប៉ុស្តិ៍ល្អរកចំណូលបានច្រើន)ជាក់ស្ដែងចាប៉ពី ទីស្នាក់ការគយ សាខាគយ ការិយាល័យ គយ និង នាយកដ្ឋានគយឡើងទៅ គឺសុទ្ធតែមានហាងឆេងខ្ទង់ខ្ពស់រាប់សឹបម៉ឺនដុល្លារអាមេរិកទាំងអស់ ។
ជាក់ស្ដែងប្រភពបង្ហើបទៀតថា៖បើនិយាយពីហាងឆេងប៉ុស្ដិមេសាខាគយនៅកំពង់ផែស្វយ័ត្នខេត្តព្រះសីហនុ មួយនេះវិញ ដែលមេសាខាគយខេត្តនេះឈ្មោះ ទំ ណូ អតីតះជាមេសាខាគយខេត្តប៉លិនដែលបែកធ្លាយជាប់រឿងអាស្រូវពុករលួយគៃបំបាត់ពន្ធរដ្ឋជាមួយក្រុមឈ្មួញព័ទ្ធខ្លួននោះគឺមិនត្រឹមតែគ្មានទុកទោសនោះទេដែលហ៊ានជះទឹកលុយដល់តម្លៃខ្ទង់លានដុល្លារអាមេរិកនោះបែរជាបានរួចផុតពីការពិន័យ នឹងទទួលបានការតែងតាំងជាពិសេសតែម្តង ខណៈដែលល្បិចកកូរកកាយរបស់ជំទាវធំគយ គុណ ញឹម លូកដៃចេញមុខ «ប្រើក្បាច់» យ៉ាងមានប្រសិទ្ធិភាពបំផុតដោយអំណាច របស់នាយគយធំនៅក្នុងសា្ថប័នគយ។
តាមប្រភពពីក្រុមអ្នកជំនួញស្និទ្ធនឹងមន្ត្រីគយ ព្រមទាំងក្រុមមន្ត្រីគយតូចតាចដដែលទាំងនោះ បានបង្ហើបប្រាប់ឲ្យដឹងទៀតថា៖គេពុំដឹងថា៖ទាំងនេះជាការលើកដៃបាំងមេឃអោយជំទាវរបស់ខ្លួនជាអ្នកកាងកូរនូវពីខាងក្រោយ ឫក៏ជំទាវបណ្ឌិតគុណញឹមអគ្គនាយកនៃអគ្គនាយកដ្ឋានគយនិងរដ្ឋាករកម្ពុជាបច្ចុប្បន្នជាអ្នកលូកដៃនោះទេ។
ប្រភពបានទម្លាយទៀតថា៖ជុំវិញការលូកដៃចូលយ៉ាងជ្រៅពីសំណាក់លោកជំទាវ ប៉ាន់ ត្រាប្រណី ហៅ «ពៅ»ជាភរិយាជំទាវថ្នាក់ដឹកនាំគយដទៃទៀតយ៉ាងច្រើនបានហែរហមអបស្ទបរកប៉ុស្ដិខ្លាញ់ ប៉ុស្ដិខ្លឹមសម្រាប់ជាការបិទបាំងអំពើពុករលួយមួយដែលគេ អាចនិយាយបានយ៉ាងសាមញ្ញថា ឥទ្ធិពលរបស់លោកជំទាវ ប៉ាន់ ត្រាប្រណី ហៅ «ពៅ» ភរិយារបស់ឯកឧត្តមមេគយធំ គ្របដណ្តប់លើអគ្គនាយកដ្ឋានគយ និងរដ្ឋាករកម្ពុជាសឹងតែទាំងមូលមិនធម្មតាមែន ។
ផ្ទុយទៅវិញ ទោះយ៉ាងណា មកដល់ពេលនេះមិនទាន់ទទួលបានការបំភ្លឺបញ្ជាក់ពីលោកជំទាវ ប៉ាន់ ត្រាប្រណី ជាភរិយារបស់ឯកឧត្តមបណ្ឌិត គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជាពាក់ព័ន្ធនឹងការចោទប្រកាន់រសើប និងភាពល្បីល្បាញដូចខាងលើនៅឡើយទេ ។ដែលខាងការិយាល័យរបស់យើងបានធ្វើការព្យាយាមសុំការបំភ្លឺពីសំណាក់លោកបណ្ឌិត គុណ ញឹម ផងដែរជាច្រើនដងទូរស័ព្ទចូលគ្មានអ្នកលើក និង ជាប់រវល់។
គួររំលឹកថា៖លោកបណ្ឌិត គុណ ញឹម អតីតអគ្គនាយករងនៃអគ្គនាយកដ្ឋានគយ និងរដ្ឋាករកម្ពុជា ទទួលបានការតែងតាំងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជានៃក្រសួងសេដ្ឋកិច្ច និងហិរញ្ញវត្ថុ ជំនួសឯកឧត្តមបណ្ឌិត ប៉ែនស៊ីម៉នដែលដល់អាយុចូលនិវត្តន៍ដោយព្រះរាជក្រឹត្យលេខនស/រកត/០៩១៤/១១៧២ ចុះថ្ងៃទី២៩ ខែកញ្ញា ឆ្នាំ២០១៤ ។
មិនតែប៉ុណ្ណោះ ក្រៅពីមានមុខតំណែង «ខ្លាញ់» ជាមេគយធំ លោកបណ្ឌិត គុណ ញឹម ក៏ទទួលបានការតែងតាំងផងដែរជា សមាជិកឧត្តមក្រុមប្រឹក្សាសេដ្ឋកិច្ចជាតិ មានឋានៈស្មើរដ្ឋលេខាធិការ បន្ថែមលើមុខងារបច្ចុប្បន្នដោយព្រះរាជក្រឹត្យលេខនស/រកត/០៤១៥/៣៩៤ចុះថ្ងៃទី២៩ខែមេសាឆ្នាំ២០១៥ ។ ហើយក្រោយមកទៀត លោកបណ្ឌិត ក៏ត្រូវបានដំឡើងថ្នាក់ជាករណីពិសេសពីឋានន្តរស័ក្តិឧត្តមមន្ត្រីថ្នាក់លេខ៣ មកឋានន្តរស័ក្តិឧត្តមមន្ត្រីថ្នាក់លេខ១នៃក្របខ័ណ្ឌមន្ត្រីគ្រប់គ្រងរដ្ឋបាលនៅក្រសួងសេដ្ឋកិច្ច និងហិរញ្ញវត្ថុ ទៀតផងតាមរបៀប «ផ្លោះរំលងមេឃ» ដោយព្រះរាជក្រឹត្យលេខនស/រកត/០៦១៦/៥៩៩ចុះថ្ងៃទី១៣ខែមិថុនាឆ្នាំ២០១៦កន្លងទៅនេះ។
អតីតៈសហក្រុមកម្មសិក្សាប្រមូនិស្សិតឆ្លងដែនប៉ែកកុម្មុយនីសក៏បានលើកឡើងថ្លែងខ្លីៗអៅយដឹងផងថា៖ដោយសារតែមានវាសនាលោករដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ បណ្ឌិត អូន ព័ន្ធមុនិរ័ត្ន បានក្លាយខ្លួនជារដ្ឋមន្ត្រីកាលណាមក ក៏បានជួយជ្រោមជ្រែងប្រមូលោកបណ្ឌិត គុណ ញឹម អោយក្លាយទៅជាមេគយធំប្រចាំស្រុកខ្មែរផងដែរ ដូចដែលមានមិត្តភ័ក្ត្រជាប្រមូក្រុមជំនាន់ លោក បណ្ឌិត អូន ព័ន្ធមុនីរ័ត្ន និងលោកបណ្ឌិត គុណ ញឹម ជាច្រើននាក់ទៀត សុទ្ធតែមានវាសនាបន្ដោកត្រូវបានតែងតាំងការងារធំដុំក្នុងក្របខ័ណ្ឌគយយ៉ាងស្អេកស្កះផងដែរ ៕
ដោយ ស ថ្លា
![]()
![]()
![]()