លោក សៅ សុខាមេប៉េអឹមលើផ្ទៃប្រទេស និងលោក ថង សាវុធ អភិបាលខេត្តរតនគិរី
បើកដៃឲ្យមេឈ្មួញឈើ ឈ្មោះ វ៉ាន់ ចាន្នី ហៅ ច្រឹប (រូបក្រោមឆ្វេង) ចាប់ផ្តើមរកស៊ីដឹកឈើ
ទៅលក់នៅស្រុកយួនឡើងវិញ។
ខេត្តរតនគិរី ៖ មេបញ្ជាការលើផ្ទៃប្រទេស លោក សៅ សុខាជាប្រធានគណះកម្មការជាតិបង្ក្រាបបទ
ល្មើសព្រៃឈើនៅទូទាំងប្រទេសនៅពេលនេះមិនបានចាត់វិធានបង្ក្រាបបទល្លើសព្រៃឈើរបស់មេឈ្មួញឈើឈ្មោះ វ៉ាន់ ចាន្នី ហៅចែច្រឹប ដែលមានប្តីឈ្មោះ មិន ថុន ហៅ ខ្លាធំ ជានាយនគរបាល ប៉ុស្តិ៍ច្រកខ្លាធំ និងឈ្មោះថានដែលបង្កើតជាបក្ខពួកដើម្បីដឹកជញ្ជូនឈើយកទៅលក់នៅស្រុកយួន
ជារៀងរាល់យប់តាមច្រកអូរយ៉ាដាវ។
នៅពេលនេះ ក្រុមរបស់មេឈ្មួញឈ្មោះ ច្រឹប នេះបានជួលកម្មករពីប្រទេសយួនដែលមានជំនាញ
ខាងកាប់ និងអារឈើ ប្រមាណជាង១០០នាក់ បាននិងកំពុងចាប់ផ្តើមធ្វើសកម្មភាពកាប់ឈើនិង
ដឹកជញ្ជូនឈើយកទៅលក់នៅប្រទេសជិតខាងមួយនេះឡើងវិញ។ ក៏ប៉ុន្តែ លោក សៅ សុខានិង
មន្ត្រីក្រោមឱវាទរបស់លោកដែលទទួលបេសកម្មពីនាយករដ្ឋមន្ត្រី ហ៊ុន សែនដើម្បីចុះទៅបង្ក្រាប
បទល្មើសព្រៃឈើនៅខេត្តភាគឥសាន្ត ជាពិសេសខេត្តរតនគិរីដែលឈ្មួញឈើ ឈ្មោះ ច្រឹប និង ប្តីឈ្មោះ មិន ថុនជាមន្ត្រីនគរបាល ប៉ុស្តិ៍ច្រលខ្លាធំកំពុងដំណើរការជំនួញឈើយ៉ាងអាណាធិបតី
នោះ គឺលោក សៅ សុខានិងកូនចៅរបស់លោក មិនបានបង្ក្រាបតាមបទបញ្ជារបស់នាយករដ្ឋមន្ត្រី
នោះទេ។
សេចក្តីរាយការណ៍ពីខេត្តរតនគិរីឲ្យដឹងថា ការកាប់បំផ្លាញព្រៃឈើ នៅ ដែនជម្រកសត្វព្រៃលំផាត់របស់ក្រុមនាងច្រឹបនិងស្វាមីនេះ បានចាប់ផ្តើមកក្រើកឡើងវិញម្តងទៀត ដោយកម្មករអារឈើទាំង
នោះប្រដាប់ដោយរណាយន្ត ដែលមានសម្លេងស្ងាត់ រួមទាំងគោយន្តសម្រាប់ដឹកឈើចេញជាច្រើនគ្រឿងទៀត គឺស្ថិតនៅ ចំណុចអូរបោក អូរច្រាប អូរផ្តៅ ក្នុងភូមិ-ឃុំសមុទ្រសេដាលើនិងសមុទ្រសេដាក្រោម ជាពិសេសក្រុមឈ្មួញ បានរៀបចំ ឃ្លាំងសម្រាប់ស្តុកឈើដែលពួកគេបានកាប់លាក់ទុកនៅទីនោះដើម្បីដឹកបន្តទៅប្រទេសវៀតណាម ។
ប្រភពបានអោយដឹងថា មេឈ្មួញឈើខុសច្បាប់២នាក់បងប្អូនគឺឈ្មោះ ច្រឹប ប្តីឈ្មោះ មិន ថុន ហៅ ខ្លាធំ មេប៉ុស្តិខ្លាធំនិងមេឈ្មួញម្នាក់ទៀត ឈ្មោះ ថាន នៅតែឈលំដាប់ជួរមុខ ក្នុងការកាប់បំផ្លាញ ព្រៃកំពុងតែដាក់មេការជាជនជាតិយួនសម្រាប់មើលការខុសត្រូវ និងដឹកឈើ ទៅកាន់ប្រទេសយួន ដែលមានឈ្មោះ ឡែប និងទុងបានដាក់គ្រឿងចក្រនិងកម្មករ មានទាំងខ្មែរ និងយួនពេញព្រៃ សហគមន៍ ក្នុងស្រុកលំផាត់តហូតដល់ស្រុកអូយ៉ាដាវ ខេត្តរតនៈគីរី គឺពួកគេកាប់បំផ្លាញព្រៃឈើយ៉ាងអនាធិបតេយ្យ ដោយគ្មានការហាមឃាត់ពីសំណាក់សមត្ថកិច្ច រួមទាំងអាជ្ញាធរណាមួយនោះឡើយ ហើយក្រុមមន្ត្រីកងរាជអាវុធហត្ថខេត្តក៏ដូចជាមន្ត្រីកងរាជអាវុធហត្ថបញ្ជូនពីភ្នំពេញ
របស់លោក សៅ សុខាក៏មិនយកភ្នែកមើលក្រុមឈ្មួញឈើនិងមេឈ្មួញឈើឈ្មោះ ច្រឹបនេះដែរ។
លោក កែប កត់ នាយខណ្ឌរដ្ឋបាលព្រៃឈើ ខេត្តរតនគិរី និងលោក ផុន ខេមរិន្ទ ប្រធានមន្ទីរបរិស្ថានខេត្តរតនគិរីថ្មី ឡើងជំនួសលោក ជូ សុភ័ក្ត្រមិនទាន់បានបង្ហាញស្នាដៃធំដុំណាមួយក្នុងការបង្ក្រាបជំនួញ ឈើខុសច្បាប់ក្នុងខេត្តរតនគិរីនោះទេហើយពេលចូលកាន់តំណែង ជានាយខណ្ឌរដ្ឋបាលព្រៃឈើខេត្តរតនគិរី និងប្រធានមន្ទីរបរិស្ថានខេត្តរតនគិរីកន្លងមកនេះ គេសង្កេតឃើញថា មន្ត្រីក្រោមបង្គាប់របស់លោកទាំងពីរនាក់ចេញប្រតិបត្តិការបង្ក្រាបការដឹកជញ្ជូនឈើខុសច្បាប់ របស់ ឈ្មួញតូចតាចមួយចំនួនប៉ុណ្ណុះ ប៉ុន្តែមិនដែលហ៊ាន ប៉ះពាល់ជំនួញឈើខុសច្បាប់ទ្រង់ទ្រាយធំ របស់ ស្រី ច្រឹប និងប្តីជាមន្ត្រីនគរបាលម្តងណាឡើយ។
នរណាក៏ដឹងដែរថា មេឈ្មួញរកស៊ីឈើខុសច្បាប់ឈ្មោះ ច្រឹប ប្តីឈ្មោះ មិន ថុន ហៅ ខ្លាធំ មេប៉ុស្តិ៍ខ្លាធំ និងឈ្មោះ ថាន បានធ្វើសកម្មភាពរានដីព្រៃ កាប់បំផ្លាញព្រៃឈើនិងដឹកជញ្ជូន ឈើខុសច្បាប់ឆ្លងទៅស្រុកយួនឡើងដុះស្លែទៅហើយ ក៏ប៉ុន្តែគ្មានការបង្ក្រាបពីមន្ត្រីជំនាញនិងសមត្ថកិច្ចពាក់ព័ន្ធនោះទេ ព្រោះតែក្រុមឈ្មួញនេះបានផ្តល់ផលប្រយោជន៍ជូនសមត្ថកិច្ចទាំងនោះ។
នៅពេលនេះ ក្រុមឈ្មួញទាំងនោះកំពុងក្លាយជាគ្រាប់ពេជ្រដ៏មានតម្លៃ សម្រាប់មន្ត្រីជំនាញរដ្ឋបាល
ព្រៃឈើ មន្ត្រីកងរាជអាវុធហត្ថលើផ្ទៃប្រទេស និងលោក អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិអូរយ៉ាដាវ ព្រោះសូម្បីតែសមត្ថកិច្ចពាក់ព័ន្ធដទៃទៀត ក៏មិនដែលហ៊ានក្អក ឬ
បង្ក្រាប សកម្មភាពរកស៊ីដឹកជញ្ជូនឈើខុសច្បាប់របស់មេឈ្មួញឈ្មោះ ច្រឹប និង ប្តីឈ្មោះ មិន ថុនទាំងនេះទេ។
នៅពេលនេះ ប្រជាពលរដ្ឋនៅខេត្តរតនគិរីកំពុងតាមដានយ៉ាងយកចិត្តទុកដាក់ពីចំណាត់ការរបស់លោក សៅ សុខាមេបញ្ជាការកងរាជអាវុធហត្ថលើផ្ទៃប្រទេសនិង លោក ថង សាវុន អភិបាលខេត្តរតនគីរី តើមានវិធានការបែបណា ចំពោះបទល្មើសកាប់បំផ្លាញព្រៃ ឈើ ស្ថិតនៅ
ចំណុចអូរបោក អូរច្រាប អូរផ្តៅ ក្នុងភូមិ-ឃុំសមុទ្រសេដាលើ និងសមុទ្រសេដាក្រោម ដែលមេឈ្មួញជួញឈើខុសច្បាប់ឈ្មោះ ច្រឹប និងប្តីឈ្មោះ មិន ថុន ហៅ ខ្លាធំ មេប៉ុស្តិខ្លាធំ និងឈ្មោះ ថាន ដែលជួលកម្មករពីប្រទេសយួន ប្រមាណជាង១០០នាក់ ដែលប្រដាប់ដោយរណារយន្ត ដែលមានសម្លេងស្ងាត់ រួមទាំងគោយន្ត សម្រាប់ដឹកឈើចេញជាច្រើនគ្រឿងទៀតជាពិសេសក្រុមឈ្មួញនេះបានរៀបចំឃ្លាំងសម្រាប់ស្តុកឈើដែល បានកាប់លាក់ទុកនៅទីនោះដើម្បីត្រៀមដឹកជញ្ជូនបន្តទៅប្រទេសយួនតាមច្រកអូរយ៉ាដាវ ក្រោមការគ្រប់គ្រងរបស់លោក អ៊ី ចំរើន នាយប៉ុស្តិ៍នគរបាលច្រក
ទ្វារព្រំដែនអន្តរជាតិអូរយ៉ាដាវ៕