ធម្មិកោ ហៅរបបបច្ចុប្បន្នថា «តិរច្ឆាន»
ខេត្តព្រះសីហនុ ៖ លោក យ៉ឹក យូ ត្រូវបានតែងតាំងជាប្រធានសាខាគយ និងរដ្ឋាករកំពង់ផែអន្តរជាតិក្រុងព្រះសីហនុ ជំនួសលោក គិន លី ដែរបានចូលនិវត្តន៍។ លោក យ៉ឹក យូ អតីតប្រធាន សាខាគយ និងរដ្ឋាករខេត្តព្រះសីហនុ ដែលបានផ្លាស់ប្ដូរ ទៅកាន់ជាប្រធាន សាខាគយ និងរដ្ឋាករ កំពង់ផែអន្តរជាតិ ក្រុងព្រះសីហនុ ត្រូវបានបែកធ្លាយភាពមិនក្រក្រតីមួយចំនួន នៃការដឹកនាំ របស់អង្គភាពគយ តាំងពីនៅជាប្រធាន សាខាគយ និងរដ្ឋាករ ខេត្តព្រះសីហនុ។
ការផ្លាស់ប្ដូរតួនាទីនេះ គេសង្ឃឹមថា នឹងមានលក្ខណៈល្អប្រសើរជាងមុន ដោយសារតែ លោកយ៉ឹក យូ ធ្លាប់ត្រូវបានគេរិះគន់ថា បានប្រព្រឹត្តនូវ អំពើពុករលួយ យ៉ាងពេញបន្ទុក កាលនៅជាប្រធាន សាខាគយ និងរដ្ឋាករខេត្តព្រះសីហនុ។ ដូច្នេះការដែល លោក យ៉ឹក យូ ទៅកាន់ជាប្រធានសាខាគយ និងរដ្ឋាករ កំពង់ផែអន្តរជាតិ ក្រុងព្រះសីហនុ អាចនឹងយករូបមន្តចាស់ ទៅប្រើប្រាស់ ដើម្បីផលប្រយោជន៍ផ្ទាល់ខ្លួន។ មានការលើកឡើងថាលោក យ៉ឹក យូ អតីតប្រធាន សាខាគយខេត្តព្រះសីហនុ ដែលធ្លាប់មានរឿងអាស្រូវ យ៉ាងច្រើនសន្ធឹកសន្ធាប់ ក្នុងការធ្វើឲ្យបាត់ចំណូលពន្ធ មិនត្រូវបានដាក់ពិន័យ បែរជាត្រូវបានតែងតាំង ជាប្រធានសាខាគយ និងរដ្ឋាករ កំពង់ផែអន្តរជាតិ ក្រុងព្រះសីហនុទៅវិញ។
ការតែងតាំងលោក យ៉ឹក យូ មានមន្ត្រីគយមួយចំនួន ក៏មិនសប្បាយចិត្តដែរ ដោយកន្លងទៅលោកដឹកនាំមានភាពអសកម្មបែបបក្ខពួកនិយម។ តាមការលើកឡើង ពីប្រភពមន្ត្រីខេត្តព្រះសីហនុ បានឲ្យដឹងថា៖ ក្នុងអំឡុងពេលដែល លោក យ៉ឹក យូ កាន់តំណែងជា ប្រធានសាខាគយ ខេត្តព្រះសីហនុ គេសង្កេតឃើញ ក្រុមឈ្មួញមានឱកាសពេញលេញ ក្នុងការដឹកជញ្ជូន ទំនិញគេចពន្ធ ឆ្លងកាត់ខេត្តដោយរលូន។ លោក យ៉ឹក យូ ក្នុងនាមជាប្រធានសាខាគយ ខេត្តព្រះសីហនុ បានចាត់តាំងឲ្យមន្ត្រីស្និទ្ធក្រោមឱវាទ ប្រមូលលុយពីឈ្មួញ ដោយមិនខ្វល់ ពីការកែទម្រង់ អ្វីនោះឡើយ។
ដោយសារតែ ភ្លើងខៀវរបស់ លោក យ៉ឹកយូ ទំនិញនាំចូល ត្រូវបង់ពន្ធខ្ពស់ បង់ពន្ធជាប្រភេទ ទំនិញចម្រុះ និងគ្រឿងបន្លាស់ ហើយបង់ត្រឹមតែ៣០ទៅ៤០ ភាគរយ ដែលនាំឲ្យរដ្ឋ ត្រូវបាត់បង់ចំណូលពន្ធ រាប់សិបម៉ឺនដុល្លារ ក្នុងមួយខែៗ តែប្រាក់ទាំងនោះត្រូវ បានធ្លាក់ចូលហោប៉ៅ លោក យ៉ឹក យូ និងបក្ខពួករបស់ខ្លួនតែប៉ុណ្ណោះ។
មតិមហាជន ក៏បានលើកឡើងផងដែរថា ការដែលរៀបចំតំណែងឲ្យលោក យ៉ឹក យូ ទៅកាន់តំណែងជាប្រធានសាខាគយ និងរដ្ឋាករ ផែអន្តរជាតិក្រុងព្រះសីហនុ ជំនួសលោក គិន លី សង្ស័យជាខ្សែ ឬក៏ជាមនុស្សស្និទ្ធ របស់លោក អគ្គនាយកគយ គុណ ញឹម ផងក៏មិនដឹង? ទើបលោក យ៉ឹក យូ មានឱកាស និងមានសំណាងបានទៅកាន់កន្លែង ខ្លាញ់បែបនេះ។ ពាក់ព័ន្ធករណីខាងលើ យើងខ្ញុំពុំអាចសុំការបំភ្លឺពីលោក យ៉ឹក យូ ប្រធានសាខាគយ និងរដ្ឋាករផែអន្តរជាតិ ក្រុងព្រះសីហនុ នៅឡើយទេជុំវិញករណីនេះ៕
![]()
![]()
![]()