លោកស ខេងមិនត្រូវបណ្តោយឲ្យលោកចាន់ វណ្ណធឿន និងលោកអ៊ុំ ម៉ូនីបង្កើតបក្ខនិយមនិងពុករលួយនៅក្នុង នាយកដ្ឋាននគរបាលសេដ្ឋកិច្ច
រាជធានីភ្នំពេញ ៖ ចំពោះប្រជាពលរដ្ឋក៏ដូចជា អ្នករកស៊ីក្នុងក្រុងភ្នំពេញ គេពុំស្គាល់លោក ប៊ុន សេរី ទេ តែចំពោះមន្ត្រីរាជការ ទូទាំងភ្នំពេញវិញ គេស្គាល់ ប៊ុន សេរី ច្បាស់ដូចថ្ងៃអញ្ចឹង គ្រាន់តែគេឮសូរឈ្មោះ ប៊ុន សេរី គេស្គាល់ដល់គ្រឿងក្នុងប្រម៉ាត់ ថ្លើមរបស់ ប៊ុន សេរី ដែលពូកែខាងជំនាញពុករលួយស្អុយគគ្រុកដូចប្រហុកជះក្លិន អាសោចន៍ពាសពេញក្រុងភ្នំពេញ ។
ចំពោះអ្នកខ្លះទៀត គេឱ្យឈ្មោះ ប៊ុន សេរី ថា ជាអធិរាជស្តេចលុយចប្រចាំសាលាក្រុងភ្នំពេញ ដែលគ្មានវត្ថុស័ក្តិសិទ្ធ ណាមួយអាចមកវ៉ៃបំបែកកំចាត់កំចាយ រូបមន្តពុករលួយរបស់ ប៊ុន សេរី បានឡើយ ។
ពីដើមឡើយក៏ដូចសព្វថ្ងៃនេះដែរ ប៊ុន សេរី គឺគេក៏ប្រដូចទៅនឹងសត្វលា តែបែរជាមានមហិច្ឆតាទាញស្បែកខ្លាមក ពាក់បន្លាចគេបន្លាចឯងពេញក្រុងភ្នំពេញ ហើយក៏នៅតែខំប្រឹងប្រែងបូមបឺតជញ្ជក់ឈាមជាតិ មិនឆ្អែតមិនឆ្អន់ មិនខ្លាចបែក ពោះទេឬ លោក ប៊ុន សេរី ដ៏មហិមា ។
រាល់ប្រភពព័ត៌មាន សុទ្ធសឹងត្រូវបានចោទប្រកាន់ទាំងស្រុងទៅលើលោក ប៊ុន សេរី ថា ជាមនុស្សប៉ិនប្រសព្វពូកែផុត លេខក្នុងរឿងជំនាញពុករលួយហើយ ប៊ុន សេរី បានប្រើរូបមន្តវចនានុក្រមពុករលួយជាខ្សែចង្វាក់ពុករលួយជាលក្ខណៈប្រព័ន្ធ ជុំវិញសាលាក្រុងភ្នំពេញ គឺគេចមិនរូចពីសំណាញ់របស់ក្រុម ប៊ុន សេរី ឡើយ ។
គេតែងតែនិយាយជារឿយៗសឹងរិចអណ្តាតទៅហើយ អំពីករណី ប៊ុន សេរី នេះថា តើមានបារមីអ្វីមករារាំងពាំង ឃាំង លោក ប៊ុន សេរី មិនឱ្យគេចាក់ការ ប៊ុន សេរី បាននោះ ធ្វើអ្វី ប៊ុន សេរី មិនកើតមែន គ្រប់តែចៅហ្វាយក្រុង តាំងពី ជំនាន់លោក ជា សុផារ៉ា, កែប ជុតិមា មកដល់ ប៉ា សុជាតិវង្ស នៅតែ ប៊ុន សេរី ដើរពើងទ្រូងធ្វើស្តេចត្រាញ់កាន់ឃ្លាំងលុយ យ៉ាងរំភើយដដែល ។
មានមតិច្រើនសម្បើមណាស់ គេសំណូមពរយ៉ាងទទូចឱ្យស្ថាប័នអង្គភាពប្រឆាំងអំពើពុករលួយ រួសរាន់ពិនិត្យសកម្ម ភាពការងាររបស់ ប៊ុន សេរី ជាបន្ទាន់ ដើម្បីធ្វើការស្រាវជ្រាវស៊ើបអង្កេតករណីនេះថា ជារឿងដែលមានភស្តុតាងត្រូវចោទ ប្រកាន់ ប៊ុន សេរី ជាមេខ្លោងពុករលួយប្រចាំសាលាក្រុងភ្នំពេញ មែនឬមិនមែន ។
ប្រសិនណា ប៊ុន សេរី បានប្រព្រឹត្តបទល្មើសពុករលួយមានធាតុផ្សំគ្រប់គ្រាន់មានភស្តុតាងរឹងមាំ ប្រាកដជាមិនអាច រួចខ្លួនពីសំណាក់ច្បាប់បានឡើយ បើទោះបី ប៊ុន សេរី មានខ្នងក្រាស់ជាបង្អែកយ៉ាងណាក៏ដោយក៏ទប់មិនជាប់ពីព្រនង់ច្បាប់ បានជាដាច់ខាត ។
គួរបញ្ជាក់ផងដែរថា ប៊ុន សេរី មកទល់ពេលនេះ គេថា គាត់មានអាយុជិត ៧០ឆ្នាំ ហើយមិនទាន់ចូលនិវត្តន៍ទៀត នៅប្រឹងធ្វើមុខក្រាស់ក្រាញននៀលធ្វើឱ្យគេស្អប់ខ្ពើមពេបជ្រាយពេញសាលាក្រុង ឬមួយ ប៊ុន សេរី ប្រុងធ្វើការនៅសាលា ក្រុងអស់មួយជីវិត ? ។/
![]()
![]()
![]()