រឿងអាស្រូវពុករលួយរបស់លោក ហ៊ីវ សុធារិទ្ធ ប្រធានការិយាល័យគយច្រកអាកាសយានដ្ឋានអន្តរជាតិភ្នំពេញ ត្រូវបានលាតត្រដាង
តាមប្រភពព័តមានពីអ្នករត់តាក់ស៊ីនិងអ្នកបើករថយន្តឈ្នួលដឹកជញ្ជូនទំនិញពីច្រកប៉ោយប៉ែត មកខេត្តបន្ទាយមានជ័យ បានឲ្យដឹងថា៖ មន្ត្រីគយដែលដាក់ប៉ុស្ដិ៍ជជុះនៅចំណុចផ្លូវ៥០ ភូមិកូនដំរី ក្រុងប៉ោយប៉ែត កំពុងប្រព្រឹត្តអំពើពុករលួយជំរិតយកលុយពីពួកគាត់តាមអំពើចិត្ត។ មន្ត្រីគយប្រចាំកុងត្រូលជជុះនេះ បានតម្រូវឲ្យក្រុមអ្នករត់តាក់ស៊ី និងអ្នកបើករថយន្តដឹកទំនិញបង់លុយក្នុង១ខែពី១៥០ទៅ២០០ដុល្លារដោយពុំមានវិក្កយបត្រត្រឹមត្រូវ ។
ប្រសិនបើអ្នករត់តាក់ស៊ីនិងអ្នកបើករថយន្តដឹកទំនិញពុំមានទំនាក់ទំនងជាមុនជាមួយមន្ត្រីគយ ដែលឈរជើងនៅកុងត្រូលជជុះចំណុចផ្លូវ៥០ ភូមិកូនដំរីទេនោះ ប្រាកដជាត្រូវប្រឈមនឹងការដេញបង្ក្រាប ។
បើតាមមន្ត្រីគយ ក្នុងខេត្តបន្ទាយមានជ័យ បានខ្សឹបឲ្យដឹងថា៖ ក្រោយពេលមកកាន់តំណែងជាប្រធានសាខាគយខេត្តបន្ទាយមានជ័យរួចមក លោក ឆែ សុធា និងបក្ខពួកមួយក្ដាប់តូចកំពុងសប្បាយប្រមូលលុយតាមរបៀបពុករលួយយ៉ាងម៉ាសប្បាយ ។
បញ្ហានេះហើយដែលមន្ត្រីខ្សឹបលើកឡើងស្នើសុំទៅលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនត្រូវមើលរំលងនូវទង្វើមិនប្រក្រតីប្រព្រឹត្តអំពើពុករលួយរបស់លោក ឆែ សុធា និងបក្ខពួកក្នុងការបើកដៃឲ្យឈ្មួញនាំចូលទំនិញគេចពន្ធ និងទំនិញបង់ពន្ធមិនគ្រប់ធ្វើឲ្យរដ្ឋខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗនោះទេ។
ជាងនេះទៅទៀតតាមមន្ត្រីគយតូចតាចនៅខេត្តបន្ទាយមានជ័យ បានទម្លាយឲ្យដឹងទៀតថា ការដែលលោក ឆែ សុធា ប្រធានសាខាគយខេត្តបន្ទាយមានជ័យ ហ៊ានធ្វើអ្វីៗតាមអំពើចិត្តគឺដោយសារអាងមានខ្សែអំណាចពីអគ្គនាយកដ្ឋានគយ និងរដ្ឋាករ ជាបង្អែកដ៏រឹងមាំផងទើបបានជាជននេះគ្រាន់តែបានកាន់តំណែងភ្លាមក៏ចាប់ផ្តើមធ្វើព្យុះធ្វើភ្លៀងគាបកជម្រឹតក្រុមឈ្មួញយ៉ាងល្បីរន្ទឺរពេញខេត្តបន្ទាយមានជ័យទាំងមូលភ្លាមដែលគួរអោយថ្នាក់ដឹកនាំគយស្ញើចសរសើរបំផុតមិនគួរភ្លេចចេញប័ណ្ណសរសើរគាត់នោះទេ។
មិនតែប៉ុណ្ណោះបើតាមការបង្ហើបពីមន្ត្រីគយ ដែលស្អប់ខ្ពើមអំពើពុករលួយរបស់លោក ឆែ សុធា ប្រធានសាខាគយខេត្តបន្ទាយមានជ័យ ថ្មីៗ និង បក្ខពួកបានឲ្យដឹងទៀតថា៖ សម្រាប់រថយន្តក្រុងដែលមានដឹកទំនិញគេចពន្ធហូរហែរ និង ទំនិញបង់ពន្ធមិនគ្រប់ត្រូវបង់លុយឲ្យមនុស្សរបស់ លោក ឆែ សុធា និងបក្ខពួកក្នុង១ខែចាប់ពី៥០០ទៅ១០០០ដុល្លារ។
ចំណែកឈ្មួញធំៗមួយចំនួនដែលរកស៊ីនាំចូលទំនិញគេចពន្ធ ទំនិញបង់ពន្ធមិនគ្រប់ ឬទំនិញខុសច្បាប់ធំៗភាគច្រើនម៉ូយចាស់របស់មេគយអតីតះ ថោង សុខាំភូ គឺសុទ្ធតែមានទំនាក់ទំនងជិតស្និទ្ធជាមួយលោក ឆែ សុធា ដែលមានការផ្ដាំផ្ញើរបន្ដ ពីបក្ខពួកគយចាស់ទើបបានជារចនាសម្ព័ន្ធអ្វីៗអាចប្រព្រឹត្តទៅដោយរលូនក្រោមឃ្លាករបស់លោក ឆែ សុធា យ៉ាងរលូនដោយគ្មានការទប់ស្កាត់ទាល់តែសោះរហូតទាល់តែបែកធ្លាយថា៖ជិះសេះលែងដៃជាមួយឈ្មួញទំនិញគេចពន្ធនិងក្រុមឈ្មួញបង់ពន្ធមិនគ្រប់ស្ទើតែគ្រប់រូបភាព។ហើយដែលគួរតែមានការចុះស៊ើបអង្កេតជាបន្ទាន់ផងដែរ។
ព័ត៌មានទម្លាយពីឈ្មួញដែលរកស៊ីដឹកទំនិញគេចពន្ធនិងទំនិញបង់ពន្ធមិនគ្រប់ក្នុងទ្រង់ទ្រាយធំ តែងតែធ្វើការសម្របសម្រួលជាមួយលោក ឆែ សុធា ទាំងអស់ដោយផ្ញើរូបភាពរថយន្តនិងលេខរថយន្តតាមហ្វេសប៊ុកដើម្បីចៀសផុតពីការរំខានឫបង្ក្រាបដែលជាអាទ៌នាំអោយបែកការ។
ប្រភពដែលស្និទ្ធនឹងលោក ឆែ សុធា ដ៏ដែលក៏បានឲ្យដឹងដែរថា លុយដែលឈ្មួញរកស៊ីនាំចូលទំនិញគេចពន្ធនិងទំនិញបង់ពន្ធមិនគ្រប់ គឺគេមិនយកលុយទៅបង់ឲ្យលោក ឆែ សុធា ដល់ស្នាក់ការសាខាគយ និងរដ្ឋាករខេត្តបន្ទាយមានជ័យនោះទេ។
ផ្ទុយទៅវិញ ឈ្មួញទាំងនោះផ្ញើលុយឲ្យលោក ឆែ សុធា តាមវីងគ្រប់ចំនួនរហូតដល់ឈ្មួញមួយចំនួននិយាយលេងបន្លំមែនថា សម័យនេះមិនបាច់បង់លុយដល់ការិយាល័យគយតទៅទៀតទេ គឺជាសម័យបង់ពន្ធតាមវីងហេស៎ដែលករណីនេះសុវត្ថភាពបំផុត សូម្បីតែអង្គភាពប្រឆាំងអំពើពុករលួយក៏មិនអាចតាមទាន់សកម្មភាពល្មើសច្បាប់របស់មេគយ ឆែ សុធា ទាន់ទេ។
ពាក់ព័ន្ធនឹងភាពអសកម្មនេះក៏មានការលើកឡើងពីក្រុមមន្ត្រីគយចំណុះអង្គភាពស្នើសុំអោយ លោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ គួរពិនិត្យឡើងវិញជាបន្ទាន់ផង ព្រោះថាតាមសកម្មភាព៖លោក ឆែ សុធា កំពង់តែជិះសេះលែងដៃគាបសង្កត់យ៉ាងខ្លាំងដៃទៅលើក្រុមអ្នករត់តាក់ស៊ី និងអ្នកបើករថយន្តដឹកទំនិញបន្តិចបន្តួចនោះមិនធម្មតាទេហើយបែរជាបើកដៃព្រលែងជាមួយក្រុមហ៊ុនធំលោតឆ័ត្រគេចពន្ធយ៉ាងពេញបន្ទុក!៕
![]()
![]()
![]()