ឧកញ៉ាដែលមានតួនាទីជាមេគយនិងរដ្ឋាករ២នាក់ ត្រូវដល់អាយុចូលនិវត្តន៍
ខេត្តកោះកុង ៖ ប្រជាពលរដ្ឋបានធ្វើការរិះគន់ យ៉ាងខ្លាំងចំពោះគណកម្មការ បង្ក្រាបបទល្មើសនានាលើ ផ្ទៃសមុទ្រ នេះ
ដោយពួក គាត់អះអាងថា មច្ឆាជាតិក្នុងដែន សមុទ្រកម្ពុជា ត្រូវបំផ្លាញ ស្ទើរតែរលាយសូន្យ ទៅហើយ ដោយសារតែគណកម្មការ នេះបានបណ្តោយឲ្យ ក្រុមនេសាទវៀតណាម និងថៃចូលមកនេសាទ បែបអាណាធិបតេយ្យ រាល់ថ្ងៃដូច្នេះ ។
ប្រជាពលរដ្ឋ ថែមទាំងអំពាវនាវដល់ថ្នាក់ដឹកនាំ សំខាន់សម្តេច ហ៊ុន សែន ចាត់វិធានជាបន្ទាន់ចំពោះគណកម្មការបង្ក្រាបបទល្មើសលើផ្ទៃសមុទ្រ ដែលកំពុងឃុបឃិតជាមួយជនជាតិវៀតណាម និងថៃបំផ្លាញសម្បត្តិធម្មជាតិក្នុងសមុទ្រខ្មែរ ដោយមិនគិតគូរថែរក្សា និងបង្ហាញនូវស្មារតីការពារអធិបតេយ្យភាពកម្ពុជានោះឡើយ ។
គណកម្មការបង្ក្រាបបទល្មើសនានាលើផ្ទៃសមុទ្រនេះ ដឹកនាំដោយលោក ប៊ុន លើត អភិបាលខេត្តកោះកុងជាប្រធាន និងមានលោកវរសេនីយឯក យឹម សម្បត្តិ មេបញ្ជាការរងតំបន់ប្រតិបត្តិការសឹករងខេត្តកោះកុងជាអនុប្រធានប្រចាំការនៅកោះស្តេចតែម្តង ។
កម្លាំងកងរាជអាវុធហត្ថស្រុកស្រែគីរីសាគរ ពុំមានពាក់ព័ន្ធករណីខាងលើនេះទេ ហើយអ្នកដែលចេញមុខកាងបទល្មើសនោះគឺឧត្តមនាវីត្រី ឯក សំអាន ហើយក៏ជាអ្នកប្រមូលលុយនិងបែងចែកលុយពីបទល្មើសនេសាទក្នុងដែនសមុទ្រខាងលើនេះ ខណដែលលោកអភិបាលខេត្តអង្គុយចាំតែទទួលចំណែកប្រចាំខែប៉ុណ្ណោះ ?។
គណកម្មការបង្ក្រាបបទល្មើសនានាលើផ្ទៃសមុទ្រ កម្ពុជា កំពុងរងនូវការរិះគន់យ៉ាងធ្ងន់ធ្ងរ ទាក់ទងការសម្ងំកើបលុយពីទូកនេសាទជនជាតិវៀតណាម និងថៃ ដែលចូលមកនេសាទក្នុងដែនសមុទ្រកម្ពុជា ដោយខុសច្បាប់និងអាណាធិបតេយ្យ ។
តាមពិតគណកម្មការបង្ក្រាបបទល្មើសនានាលើផ្ទៃសមុទ្រនេះ សម្ងំកើបលុយស្ងាត់ៗ តាំងពីត្រូវបានបង្កើតមកម្លេះ ហើយពុំដែលមានការរិះគន់នោះទេ ព្រោះមន្ត្រីអាជ្ញាធរគ្រប់លំដាប់ថ្នាក់សុទ្ធតែបានសើមមាត់សើមកពីគណកម្មការមួយនេះ ។
ទូកនេសាទជនជាតិវៀតណាមនិងថៃ តែងតែចូលមកនេសាទក្នុងដែនសមុទ្រកម្ពុជាបែបអនាធិបតេយ្យរំលោភលើអធិបតេយ្យភាពកម្ពុជា ។ ចំណែកគណកម្មការបង្ក្រាបបទល្មើសនានាលើផ្ទៃសមុទ្រដែលជាភ្នែកច្រមុះរាជរដ្ឋាភិបាល មិនដែលខ្វល់ក្នុងការបង្ក្រាបនោះឡើយ ។ ប៉ុន្តែគណកម្មការនេះបែរជាកំណត់យកលុយឬយកលុយដាក់ខែពីក្រុមទូកនេសាទជនជាតិបរទេសនោះយ៉ាងរំភើយទៅវិញ ។
ចំពោះទូកនេសាទជនជាតិកម្ពុជា ដែលមានលក្ខណៈជានេសាទគ្រួសារត្រូវបានគណកម្មការនេះរិតបន្តឹងនិងធ្វើទុក្ខបុកម្នេញជារៀងរាល់ថ្ងៃ ។ និយាយរួមគឺគេរារាំងមិនឲ្យជនជាតិខ្មែរយើងរកស៊ីដោយសុខស្រួលនោះឡើយ ។ ដោយឡែកទូកនេសាទវៀតណាម និងថៃវិញ គឺមករកស៊ីម៉ាសេរី ដោយគ្រាន់តែបង់លុយឲ្យគណកម្មការបង្ក្រាបបទល្មើសលើផ្ទៃសមុទ្រប៉ុណ្ណោះ ។
ចំណែក ឃុំកោះស្តេច ស្រុកគីរីសាគរ ខេត្តកោះកុង ជាតំបន់ដែលទូកនេសាទវៀតណាមនិងថៃចូលមកនេសាទយ៉ាងអនាធិបតេយ្យ ហើយចូលរាល់ថ្ងៃ ជាក់ស្តែងថ្ងៃទី២៥,២៦ ខែធ្នូនេះ ទូកនេសាទវៀតណាមចំនួន៤គ្រឿងបំពាក់ដោយឧបករណ៍នេសាទទំនើបៗ បានចូលមកនេសាទនៅតំបន់នេះ ហើយក្បែរច្រមុះទីតាំងរបស់គណកម្មការបង្ក្រាបបទល្មើសតែម្តង ។ ប៉ុន្តែពុំមានការបង្ក្រាបនោះទេ ព្រោះក្រុមនេសាទវៀតណាមត្រូវបានគេដឹងថា បានឃុបឃិតបង់លុយឲ្យគណកម្មការនោះរួចរាល់ហើយ តាមរយះស្ត្រីវៀតណាមជើងឆើតម្នាក់ឈ្មោះ មីកាទៀង ។ ចំណែកទូកនេសាទថៃក៏បង់ជាប្រចាំខែដូចគ្នា ។
តាមមន្ត្រីបង្ក្រាបបទល្មើសនេសាទសមុទ្រប្រចាំការនៅកោះស្តេចឲ្យដឹងថា ក្នុងមួយខែៗ គណកម្មការនេះ ប្រមូលបានរាប់សិបម៉ឺនដុល្លារពីទូកនេសាទវៀតណាម និងនេសាទថៃតែភាគច្រើនទូកនេសាទវៀតណាម ។ ចំណែកការបង់ចូលថវិការដ្ឋគឺមានតិចតួចបំផុត ព្រោះក្រុមនេះ បានឃុបឃិតគ្នាប្រមូលដាក់ហោប៉ៅរៀង ៗខ្លួនអស់ហើយ ៕
![]()
![]()
![]()