ការឡោមព័ទ្ធ និងឆែកឆេរទីតាំងស្តុកឈើខុសច្បាប់របស់ ឧកញ៉ា លឹម ប៊ុណ្ណា ហៅខ្នា បានត្រឹមតែធ្វើរបាយការណ៍ ឬយ៉ាងណា ?
ខេត្តរតនគិរី ៖ ឈ្មោះវ៉ៃដឹកឈើតាមរថយន្តប្រភេទយីឌុប បានដោយរលូនមានខ្សែបង្អែកធំជាងឧកញ៉ាហ៊ុនជា ព្រោះ ឧកញ៉ាហ៊ុនជារត់ការដឹកត្រឹមរថយន្តកង់១០មិនបានសម្រេច ទើបដកខ្លួនពីបទល្មើសដឹកជញ្ជូនឈើប្រណិត។
នៅម៉ោង២រសៀលថ្ងៃ១៤ ខែមករា ឆ្នាំ២០១៧ អ្នកយកព័ត៌មានបានទូរស័ព្ទទាក់ទងសុំការបំភ្លឺបន្ថែមពីលោកលីសុផាននាយផ្នែករដ្ឋបាលព្រៃឈើ(ស្រុកលំផាត់ ស្រុកកូនមុំ ក្រុងបានលុង)លោកឆ្លើយតបវិញងេះងូស ហេះហាស់ ឡូឡូជាដើម គឺមិនចង់និយាយជាមួយ (៣ឬ៤ថ្ងៃមុនក៏គាត់ឆ្លើយរៀបនេះ)ពេលអ្នកសារព័ត៌មានចុចទូរស័ព្ទចូលម្តងទៀតក៏គាត់នៅតែធ្វើរបៀបនេះដដែល។
ប្រភពពីឈ្មួញឈើដូចគ្នាបានឲ្យដឹងថា ឈ្មោះវ៉ៃបានប្រមូលឈើពីស្រុកវ៉ឺនសៃ ស្រុកកូនមុំនិងស្រុកលំផាត់ ដឹកជញ្ជូនតាមរថយន្តម៉ាកកូរ៉េ២,៥តោន និងរថយន្តយីឌុបបង្គាប់ក្រោមដំឡូងមី ខ្លះមិនដាក់ដំឡូងមី ពីលើក៍មាន ចេញទៅប្រទេវៀតណាមយ៉ាងរលូន ចំណែកសមត្ថកិច្ចតាមដងផ្លូវជាច្រើនបិទភ្នែកធ្វើមិនឃើញ មិនដឹងមិនឮ ។
ប្រភពពីឈ្មួញរកស៊ីឈើមួយចំនួនបានឲ្យដឹងថា ឈ្មោះវ៉ៃថ្មីនេះបានប្រមូលទិញឈើពីចំណុចអូររវ័គស្រុកលំផាត់ចូលឃ្លាំងម្តុំហាងកាឡាក់ស៊ីក្រុងបានលុង រួចបន្តទៅវៀតណាមទៀត។
ប្រភពបញ្ជាក់ថា ក្រុមហ៊ុនឧញ៉ាហ៊ុនជា ស្នើរសុំសាលាខេត្តរតនគិរី ដឹកឈើតាមរថយន្តកង់១០ចេញពីខេត្តមណ្ឌលគីរីឆ្លងកាត់ខេត្តរតនគិរី គេមិនអនុញាតទេ ចុះហេតុអ្វីបានជាឈ្មួញរកស៊ីដឹកឈើប្រណិតឈ្មោះវ៉ៃបានប្រមូលឈើគ្រប់តំបន់ ដឹកចេញទៅប្រទេវៀតណាមបានយ៉ាងរលូន ឬក៏មានការអនុញាតិពីសាលាខេត្តរតនគិរីឬក៏មានខ្នងបង្អែកធំជាងត្រគោលហ៊ុន ហើយគេក៏ដាក់ការសន្និដ្ឋានថាលោកវ៉ៃអាចនឹងក្លាយជាឧញ៉ាឆាប់ៗ ដោយសារការប្រមូលប្រយោជន៍ពីបទល្មើសព្រៃឈើក្នុងខេត្តរតនគិរីនេះ ៕
![]()
![]()
![]()