លោក កែវ ផាន ប្រធានគយច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវបានពង្រាយមន្រ្តីគយនិងជនសុីវិលគ្រប់ច្រកល្ហកដើរប្រមូលលុយពីក្រុមឈ្មួញតូច ធំ ដឹកជញ្ជូនទំនិញគេចពន្ធ. ទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាម ចូលមកប្រទេសកម្ពុជាមានការឃុបឃិតជាមួយលោក នួន សារ៉ែនប្រធានស្នាក់ការច្រកភ្នំដិនមិនញញើតអង្គភាពប្រឆាំងអំពើពុករលួយ
ខេត្តតាកែវ ៖ ប្រភពពីក្រុមអាជីវករតូចតាចរកសុីដឹកជញ្ជូនទំនិញចេញពីប្រទេសវៀតណាម តាមច្រកទ្វារព្រំដែនអន្តរជាតិភ្នំដិន ស្រុកគីរីវង់ បានអោយដឹងថា លោក កែវ ផាន ប្រធានគយច្រកទ្វារព្រំដែនអន្តរជាតិភ្នំដិន ស្រុកគិរីវង់ ខេត្តតាកែវ ទើបឡើងកាន់តំណែងថ្មី កំពុងត្រូវប៉ាន់និងទំនិញគេចពន្ធ.ទំនិញបង់ពន្ធមិនគ្រប់និងទំនិញខុសច្បាប់និងទំនិញខូចគុណភាពដែលឈ្មួញដឹកចេញពីប្រទេសវៀតណាម ចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន និងច្រករបៀងផ្សេងៗមួយចំនួនទៀតនៃខ្សែរក្រវ៉ាត់ ព្រំដែនខេត្តតាកែវ យ៉ាងពេញទំហឹងដោយមានអាងខ្នងបង្អែកនៅពីក្រោយចាំជួយបិទបាំងនូវភាពមិនប្រក្រតីរបស់លោក កែវ ផាន ប្រធានគយច្រកទ្វារអន្តរជាតិភ្នំដិនមួយនេះទើបហ៊ានធ្វេីអ្វីៗតាមអំពេីចិត្ត។
បើគ្មានការបេីកភ្លេីងខៀវពី សំណាក់មេៗធំនៅខាងលើនោះទេលោក កែវ ផាន ប្រធានគយច្រកទ្វារព្រំដែនអន្តរជាតិភ្នំដិននិងលោក នួនសារ៉ែន ប្រធានស្នាក់ការច្រកភ្នំដិនមិនអាចធ្វើអ្វីៗតាមអំពើចិត្តបានឡើយ ចំណែកលោកមេសាខាគយនិងរដ្ឋាករខេត្តតាកែវ រក្សាភាពស្ងៀមស្ងាត់ បណ្ដោយអោយ លោក កែវ ផាន ប្រធានគយច្រកទ្វារអន្តរជាតិភ្នំដិនឡើងកាន់តំណែងថ្មីហ៊ានធ្វើអ្វីៗតាមអំពើចិត្តមិនញញើតអង្គភាពប្រឆាំងអំពើពុករលួយនោះឡើយ។
ប្រភពក្រុមឈ្មួញនិងអាជីវករនាំចូលទំនិញនឹងបន្លែផ្លែឈើចេញពីប្រទេសវៀតណាម ចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន បានបង្ហេីបអោយដឹងថា បើទទោះប្បីពួកគាត់នាំចូលទំនិញបង់ពន្ធត្រឹមត្រូវរួចរាល់ហើយក៏ដោយចៀសមិនផុតពីការបង់លុយលើតុ ក្រោមតុ តាមការ កំណត់របស់មន្រ្តីគយនិងលោកលោក កែវ ផាន ប្រធានគយដឹងលោកនួនសារ៉ែន ប្រធានស្នាក់ការច្រកភ្នំដិនមិនអាចរំលងបាន។
បើយោងតាមប្រភពពីមន្ត្រីពាក់ព័ន្ធនៅច្រកទ្វារព្រំដែនអន្តរជាតិភ្នំដិន ស្រុកគីរីវង់ ខេត្តតាកែវ បានអោយដឹងថា ចាប់តាំងពីលោក កែវ ផាន ឡើងកាន់តំណែងថ្មី ជាប្រធានគយច្រកទ្វារព្រំដែនអន្តរជាតិភ្នំដិនមកបានប្រើតួនាទីនិង អំណាចខំប្រមូលលុយដើប្បីស្រង់ដើម តាមរបៀបពុករលួយ ដោយគ្មានញញើតអង្គភាពប្រឆាំងអំពើពុករលួយអ្វីទាំងអស់។និងបើកដៃអោយក្រុមឈ្មួញ សម្រុកដឹកជញ្ជូនទំនិញជាច្រើនប្រភេទចេញពីប្រទេសវៀតណាមចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន និងច្រករបៀងមួយចំនួនទៀតនៃខ្សែរក្រវ៉ាត់ព្រំដែនខេត្តតាកែវ គឺជាប្រភពចំណូលដ៏សំខាន់របស់លោកលោក កែវ ផាន ប្រធាគយច្រកទ្វារព្រំដែនអន្តរជាតិភ្នំដិន ដែលមានខ្នងបង្អែករឹងមាំ នៅពីក្រោយទេីបគ្មានអ្នកណាហ៊ានមកប៉ះពាល់នឹង ទុក្ខឲ្យក្ដោបសេដ្ឋិកិច្ចម្នាក់ឯងដើម្បីស្រង់ដើមធ្វើមានធ្វើបានយ៉ាងសុខស្រួល។
ទន្ទឹមនឹងនេះឈ្មួញដែលនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ចេញពីប្រទេសវៀតណាម ចូលមកប្រទេសកម្ពុជា តាមច្រកទ្វារព្រំដែនអន្តរជាតិភ្នំដិន មានដូចជា៖(មាន់ ត្រី សាច់ បន្លែ ផ្លែឈើ ដូង សាវម៉ាវ…គ្រឿងកំប៉ុងភេសជ្ជៈ) ទំនិញផ្សេងៗច្រើនប្រភេទទៀត ក៏ជាប្រភពចំណូល របស់លោកលោក កែវ ផាន ប្រធានគយដ៍មហិមា កំពុងតែល្បីល្បាញខាងប្រព្រឹត្តរបៀបអំពើពុក រលួយ យ៉ាងពេញបន្ទុក ប្រចាំច្រកទ្វារព្រំដែនអន្តរជាតិភ្នំដិន ។
ហេតុនេះហើយទើបក្រុមអាជីវករតូចតាចរកស៊ីដឹកជញ្ជូនទំនិញបន្តិបន្ទួចចេញចូលតាមច្រកមួយនេះសូមសំណូមពរទៅដល់លោក អូន ព័ន្ធមុន្នីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ. លោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា រួមនិងលោក វ៉ី សំណាង អភិបាល ខេត្តតាកែវ មេត្តាពិនិត្យឡើងវិញខ្លះផងជាពិសេសលោក ឱម យុិនទៀង ប្រធានអង្គភាពប្រឆាំងអំពើពុករលួយ គួរចាត់មន្រ្តីជំនាញក្រោមឱវាទចុះស្រាវជ្រាវភាពមិនប្រក្រតីប្រព្រឹត្តរបៀបអំពើពុករលួយរបស់លោក កែវ ផាន ប្រធានគយច្រកទ្វារអន្តរជាតិភ្នំដិន និងបក្សពួកឃុបឃិតគ្នាជាប្រព័ន្ធបើកភ្លើងខៀវអោយឈ្មួញធំៗសម្រុកដឹកជញ្ជូនទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ចេញពីប្រទេសវៀតណាមចូលមកប្រទេសកម្ពុជាតាមច្រកទ្វារព្រំដែនអន្តរជាតិភ្នំដិន និងច្រករបៀងមួយចំនួនទៀតនៃខ្សែរក្រវ៉ាត់ព្រំដែនខេត្តតាកែវយ៉ាងពេញបន្ទុក៕សូមតាមដានភាគបន្ត
