ល្មមដល់ពេលរដ្ឋាភិបាល និង អង្គភាពប្រឆាំងអំពើពុករលួយ គូរដាក់មន្ត្រីជំនាញ ចុះសិក្សាស្រាវជ្រាវបោសសំអាត លោក ឆេង សា វិន មេគយច្រកទ្វារភាគីព្រំដែនដូង ប្រព្រឹត្តអំពើពុករលួយ បើកដៃឲ្យក្រុមឈ្មួញធំៗ ក្នុងខេត្តស្វាយរៀងនាំចូលទំនិញគេចពន្ធ និងទំននិញបង់ពន្ធមិនគ្រប់យ៉ាងគំហុក ទាំងយប់ទាំងថ្ងៃ ?
ស្វាយរៀង ÷ ប្រភពស្និទ្ធនឹងលោក ឆេង សា វិន ប្រធានការិយាល័យគយច្រកទ្វារភាគីព្រំដែនដូង ស្រុករមាសហែក បានឲ្យដឹងថា ការដែលលោក ឆេង សាវិន មិនញញើតក្នុងការប្រមូលលុយតាមរបៀបពុករលួយ គឺអាងមានលោក មេគយធំៗ នៅខេត្តស្វាយរៀង ជាខ្នងបង្អែកដ៏រឹងមាំ។
ប្រសិនបើគ្មាន មេគយនៅនាយកដ្ឋាន រដ្ឋករកម្ពុជា ជាបង្អែកទេនោះ គឺលោក ឆេង សា វិន មេគយច្រកដូងមិនហ៊ានបើកដៃឲ្យឈ្មួញអាជីវករនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្ច្បាប បានយ៉ាងរលូន។
ហេតុនេះ លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជាគួរពិនិត្យឡើងវិញខ្លះផង ព្រោះអំពើពុករលួយ របស់លោក ឆេង សា វិន មេគយច្រកដូងត្រូវបានលាតត្រដាងជាបន្តបន្ទាប់រួចទៅហើយ។
មេឈ្មួញធំៗ និងអាជីវករ ដែលនាំចូលទំនិញពីស្រុកយួនតាមច្រកទ្វារតំបន់ព្រំដែនដូង បាន ត្អូញត្អែរថា ពួកគាត់រកសុីសព្វថ្ងៃ នៅសល់កម្រៃតិចតួចណាស់ ព្រោះត្រូវលោក ឆេង សា វិន មេគយប្រចាំច្រកនេះគាបយកលុយលើតុក្រោមតុ ដោយសេរី។
ប្រភពបានបន្តទៀតថា គ្មានឈ្មួញ ឬអាជីវករណាហ៊ានតវ៉ាជាមួយ លោក ឆេង សាវិន នោះទេ ព្រោះលោក ឆេង សា វិន តែងតែប្រើឈ្មោះ មេគយ ធំៗ នៅអគ្គនាយកដ្ឋាន រដ្ឋករគយកម្ពុជា ដើម្បីបិទបាំងទង្វើរបស់ខ្លួន។
បច្ចុប្បន្នឈ្មួញ និងអាជីវករ អាចធ្វើសកម្មភាពនាំចូលទំនិញ
ពីស្រុកយួនតាមច្រកទ្វារតំបន់ព្រំដែនដូង ស្រុករមាសហែក ខេត្តស្វាយរៀង យ៉ាងគគ្រឹកគគ្រេង រីឯលោក ឆេង សា វិន មេគយច្រកទ្វារតំបន់ព្រំដែនដូង មិនទាន់ត្រួតពិនិត្យឲ្យបានត្រឹមត្រូវនោះទេ។
បេីតាមការបង្ហើប ពីមន្ត្រីនៅច្រកទ្វារភាគីព្រំដែនដូង ស្រុករមាសហែក ខេត្តស្វាយរៀង បានឲ្យដឹងថា សកម្មភាពឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ តាមច្រកទ្វារភាគីព្រំដែនដូង កើតឡើងយ៉ាងពេញបន្ទុក។
លើសពីនេះទៅទៀតទង្វើរបស់ លោក ឆេង សាវិន ឃុបឃិត ជាមួយឈ្មួញវៀតណាម និងឈ្មួញខ្មែរ ដឹកជញ្ជូន ទំនិញគ្រប់ប្រភេទ អាចប្រព្រឹត្តទៅយ៉ាងរលូន ដែលល្បីល្បាញខ្លាំងខាងពុករលួយផងដែរ មិនខ្វល់ពីការរិះគន់អ្វីទាំងអស់៕ www.cafj.net
