តាមសេចក្តីរាយការណ៏ស្និទ្ធលោក ព្រាប គារ៉ាត់(ហៅសិទ្ធ)ប្រធាន គយចល័តផ្ទៃប្រទេសកាន់តំបន់៦ដាក់ ពង្រាយកូនចៅចាំប្រដេញឡានដឹកទំនិញក្នុងខេត្តត្បូងឃ្មុំ ដោយធ្វេី ព្យុះភ្លៀង គ្មានខ្លាច ក្រែងញញេីត ថ្នាក់លើ ឬអង្គភាពប្រឆាំងអំពើពុករលួយទ្បើយ។

        បេីតាមប្រភពព័ត៌មានពីក្រុមអាជីវករ ដឹកផ្លែធុរេន ផ្លែដូង ត្រី មាន់ ដែលឆ្លងដែន ពីប្រទេសវៀតណាម តាមច្រកតំបន់ប៉ុស្ត៍ដូនរ័ត្ន យកមកចូលស្រុកមេមត់ ខេត្តត្បូងឃ្មុំបានបង្ហើបឲ្យដឹងថាលោកព្រាប គារ៉ាត់(ហៅសិទ្ធ ) ប្រធានគយចល័តផ្ទៃប្រទេស តំបន់ ៦ ខាងបង្ក្រាបបទល្មើសរត់ពន្ធ ខុសច្បាប់ ដាក់ពង្រាយកូនចៅ ដាក់ ក្បាលឡានចេញក្រៅ រួចជាស្រេចចាំប្រដេញ ឡានអាជីវករ រកស៊ីដឹកផ្លែ ឈើបន្តិចបន្តួច  និងទំនិញ គេចពន្ធទំនិញបង់ពន្ធមិនគ្រប់ គៀបយកលុយតាម អំពើចិត្តដោយមិនធ្វើតាមផ្លូវច្បាប់កំណត់ឡើយ។

         តាមប្រភពពីឈ្មួញរកស៊ីដឹកផ្លែឈើ ឥវ៉ាន់ចាប់ ហួយ និងឥវ៉ាន់ផ្សេងៗដែល ដឹកចេញពីរប្រទេសវៀតណាម បានបង្ហើបឲ្យ ដឹងថា លោកព្រាប គារ៉ាត់(ហៅសិទ្ធ)នេះ បានដាក់កូនចៅជាច្រើនកន្លែង នៅច្រកតំបន់ដូនរ័ត្ន ពីថ្នល់ជាតិលេខ 7Aមកដល់ព្រំដែនប៉ុស្តិ៍ដូនរ័ត្នស្រុកមេមត់ត្រង់ចំណុចចូលភូមិចំបក់និងភូមិដូនរ័ត្ន ឃុំរូងស្រុកមេមត់ ខេត្តត្បូងឃ្មុំ ដាក់ ក្បាលឡានចេញមកក្រៅ ចាំដេញកាក់ឡានដឹកទំនិញ គឺចាប់ពី( ដប់ ទៅ ម្ភៃ មុីនរៀល)  តែបើកហួសមិនចូលបង់លុយ ត្រូវ ពិន័យ តែការពិន័យនោះ មិនពិន័យ តាមច្បាប់កំណត់ទេ គឺគៀបសុីឆៅៗតែម្តងដោយមិនខ្លាចថ្នាក់លើ ដូចជា ឯកឧត្តម បណ្ឌិត អូន ព័ន្ធមុនីរ័ត្ន នឹងលោក គុណ ញឹមដឹងនោះទ ។ឬមួយលោក ព្រាប គារ៉ាត់ មានខ្នងធំជាង ឯកឧត្តមបណ្ឌិត អូន ព័ន្ធមុនីរ័ត្ន នឹង លោក គុណ ញឹមបាទ ?

      បេី តាមប្រភពពីមន្ត្រី គយ ដែលមានជំនាញខាងប្រដេញចាប់ឡានដោយមិនអោយបញ្ចេញឈ្មោះនោះបានលើកឡើងថា ការដែលលោកប្រធាន ព្រាប គារ៉ាត់ បញ្ជាអោយធ្វើការយ៉ាងសកម្មបែបនេះព្រោះតែគាត់ជិតដល់ពេល ចូលនិវត្តន៍ហើយ បេីតាមដំណឹងថាគាត់កំពុងរត់ការពន្យារអាយុទៀតផង ទេីបគាត់បង្កើនល្បឿនក្នុងការប្រមូលលុយបែបនេះ។

       ហើយក៏សូមបញ្ចាក់ថានៅស្រុកមេមត់មានទំនិញដឹកចេញពីវៀតណាមដូចជា បន្លែ ផ្លែឈើឥវ៉ាន់ចាប់ហួយនិងមាន់ ត្រី គ្រប់ប្រភេទ  ចូលពីរវៀតណាម និងមានច្រកជាច្រើនទៀត ដូចជាច្រកតំបន់ដូនរ័ត្ន  ច្រក ទ្វេរភាគ្គីដូង7ដើម ច្រកបឹងជ្រោង ច្រកចាន់មូល ច្រកប៉ុស្តិ៍ស្អំនិងច្រកអន្លង់ជ្រៃ គឺ មិនរួចពីដែកូនចៅ លោក ព្រាប គារ៉ាត់ ឡើយ។

      ចុះបេី ដូចប្រភពមែនតេី ឯកឧត្តម បណ្ឌិត អូន ព័ន្ធមុនីរ័ត្ន នឹង លោក គុណ ញឹមអង្គុយបញ្ឈរភ្នែកមេីល លោក ព្រាប គារ៉ាត់ ធ្វើ ព្យុះភ្លៀងតាមអំពើចិត្តដោយមិនខ្លាចប្រជាពលរដ្ឋស្អប់ដល់ថ្នាក់ដឹកនាំកំពូលដែលសម្តេច ហ៑ុន សែន លោកគិតពីប្រជាជនណាស់ ទេីប សម្តេច លោកតែងតែលេីកមកនិយាយថា មន្ត្រីជាអ្នកបម្រើរាស្ត្រ មិនមែនសម្លាប់រាស្ត្រទេបាទ.....៕សូមអានភាគបន្ត

0966635168 www.ktk168.com