11/27/2022 2:44:24 PM
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
លោក នឹម ផល្លី ប្រធាន​ស្នាក់ការ​គយ​ច្រក​ទន្លេ​ចាម ល្បីឈ្មោះ​កាន់តែខ្លាំង​រឿង​ឃុបឃិត​ឲ្យ​ឈ្មួញ​នាំ​ឈើ​ប្រណី​តទៅ​លក់​នៅ​ស្រុក​យួន​!
Sun,10 April 2022 (Time 08:44 PM)
ដោយ ៖ ktk (ចំនួនអ្នកអាន: 164នាក់)


រយៈពេលប៉ុន្មានសប្តាហ៍កន្លងទៅនេះករណីលោក នឹម ផល្លី ប្រធានស្នាក់ការគយនិងរដ្ឋាករច្រកទន្លេចាម ស្រុកមេមត់ ខេត្តត្បូងឃ្មុំ ឃុបឃិតបើកដៃឲ្យឈ្មួញនាំចេញឈើប្រណីតតាមច្រករបៀងតាដោក និងក្រវៀន ត្រូវបានផ្សព្វផ្សាយជាសាធារណៈ 

 

ក៏ប៉ុន្តែរហូតមកដល់ពេលនេះមិនទាន់ឃើញលោក គុណ ញឹម ដែលជាអគ្គនាយកនៃអគ្គនាយកដ្ឋានគយនិងរដ្ឋាករ ចាត់វិធានការទៅលើមន្ត្រីពុករលួយដូចជាលោក នឹម ផល្លី នៅឡើយទេហេតុនេះហើយទើបមជ្ឈដ្ឋាននានារិះគន់ថា វិធានការកែទម្រង់ស៊ីជម្រៅរបស់ស្ថាប័នគយ គឺជារឿងឥតន័យព្រោះមន្ត្រីគយនៅច្រកព្រំដែន បន្តប្រព្រឹត្តអំពើពុករលួយតាមអំពើចិត្តដដែល

 

សេចក្ដីរាយការណ៍ពីសមត្ថកិច្ចមួយចំនួននៅស្រុកមេមត់ ខេត្តត្បូងឃ្មុំ បានឲ្យដឹងថា រយៈពេលប៉ុន្មានខែកន្លងទៅនេះលោក នឹម ផល្លី ប្រធានស្នាក់ការគយនិងរដ្ឋាករច្រកទន្លេចាម បានឃុបឃិតបើកដៃឲ្យឈ្មួញដឹកជញ្ជូនឈើប្រណីតទៅលក់នៅស្រុកយួនយ៉ាងពេញបន្ទុក ក្នុងមួយយប់ៗយ៉ាងហោច ណាស់មានរថយន្តយីឌុប២ទៅ៣គ្រឿងដឹកឈើប្រណីតចេញទៅស្រុកយួនតាមច្រករបៀងតាដោក ច្រករបៀងក្រវៀន ហើយលោក នឹម ផល្លី រង់ចាំទទួលផលប្រយោជន៍យ៉ាងសុខស្រួលពីសំណាក់ក្រុមឈ្មួញម្ចាស់ឈើ ទន្ទឹមនឹងនេះការដែលឈ្មួញអាចដឹកជញ្ជូនឈើប្រណីតទៅលក់នៅស្រុកយួន គឺមានការឃុបឃិតជាមួយលោក ងី វីរៈ នាយខណ្ឌរដ្ឋបាលព្រៃឈើខេត្តត្បូងឃ្មុំ ដែលល្បីល្បាញខាងប្រព្រឹត្តអំពើពុករលួយផងដែរ

 

ភ្នាក់ងារគយតូចតាចនៅច្រកទន្លេចាម ស្រុកមេមត់ ខេត្តត្បូងឃ្មុំ បានឲ្យដឹងថា តាមរយៈការឃុបឃិតបើកដៃឲ្យឈ្មួញដឹកជញ្ជូនឈើប្រណីតទៅស្រុកយួនតាមច្រកព្រំដែន និងច្រករបៀងដែលខ្លួនគ្រប់គ្រង គឺលោក នឹម ផល្លី ប្រមូលលុយបានយ៉ាងច្រើនយកទៅធ្វើមានធ្វើបានផ្ទាល់ខ្លួន ប្រភពបានឲ្យដឹងទៀតថា ថ្មីៗនេះលោក នឹម ផល្លី ទិញវីឡាស្កឹមស្កៃមួយនៅតំបន់បឹងស្នោ ខណ្ឌច្បារអំពៅ មានតម្លៃរហូតដល់ទៅ៧០ម៉ឺនដុល្លារ ហើយលុយនោះត្រូវបានគេដឹងថាទទួលពីក្រុមឈ្មួញដឹកឈើ បញ្ហានេះលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករ មិនគួរមើលរំលងនោះទេ ហើយលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរបើកការស៊ើបអង្កេតជាបន្ទាន់ផងដែរ

ព័ត៌មានគួរចាប់អារម្មណ៍

លោក អភិបាលខេត្តកំពុងឆ្នាំងរួមឈ្មួញដុះស្លែរធំៗដែលធ្វើឲ្យអជ្ញាធរមូលដ្ឋាន និង មន្ត្រីមានសមត្ថកិច្ច ប្រចាំឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កំពុងត្រូវថ្នាំសណ្តំរបស់ឈ្មួញកាវលៀស លង់លក់ សម្ងំប្រមូលប្រាក់ម៉ែនឬ!? (ktk 168)

ព័ត៌មានគួរចាប់អារម្មណ៍

លោក ហ៊ុន សែន និងលោក ស ខេងមិនទាន់បញ្ជាលោក ឃួង ស្រេង លោក ស ថេត និងលោក រ័ត្ន ស្រ៊ាង ចុះបង្ក្រាបទីតាំងល្បែងភ្នាល់ទឹកភ្លៀងដ៏ធំរបស់ឈ្មោះ "ភ្នំមាស ហៅ ហ៊ាសួរ និងម៉ែនញ៉ូ តូតូ''! (ktk168)

ព័ត៌មានគួរចាប់អារម្មណ៍

គោលនយោបាយភូមិសង្កាត់មានសុវត្ថិ ភាពរបស់ក្រសួងមហាផ្ទៃ ត្រូវជាន់ឈ្លី ក្រោមបាតជើងមេល្បែងទឹកភ្លៀងល្មើស ច្បាប់«តាសួរ»នៅកណ្តាលក្រុងភ្នំពេញ ចេញផ្សាយៈ១០/០៩/២០២២ (ktk168)

ព័ត៌មានគួរចាប់អារម្មណ៍

ក្រុមហ៊ុនបើកល្បែង កាស៊ីណូ និងល្បែង Online ខុសច្បាប់ចំនួន ២៣០ អជ្ញាប័ណ្ណត្រូវលុបចោល និងមានអនុញ្ញាតិស្របច្បាប់តែ ៦០ អាជ្ញាប័ណ្ណប៉ុណ្ណោះក្នុងឆ្នាំ២០២២ នេះ! (ktk168)

ព័ត៌មានគួរចាប់អារម្មណ៍

ខេត្តរតន:គិរី ÷ លោក ញែម សំអឿន អាជ្ញាធរខេត្តខេត្តរតនគិរីគ្រប់ជាន់ថ្នាក់ទទួលលុយរាប់មុឺនដុល្លារពី មេឈ្មួញឈើឈ្មោះ ហ៊ូវ ជីវ៉ៃ ជាថ្នូរនឹងការផ្តល់សិទ្ធផ្តាច់មុខដឹកជញ្ជូនឈើ ឆ្លងដែនចេញទៅស្រុកយួន? (ktk168)

វីដែអូ

ចំនួនអ្នកទស្សនា

ថ្ងៃនេះ :
26011 នាក់
ម្សិលមិញ :
53903 នាក់
សប្តាហ៍នេះ :
266317 នាក់
ខែនេះ :
1871996 នាក់
3 ខែនេះ :
6222599 នាក់
Online :
8707 នាក់
សរុប :
64969522 នាក់