10/20/2021 10:05:12 AM
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
តើត្រូវរក្សាទុកមេកន្ទុយលេខឆ្នោតយួនខុសច្បាប់ពាសពេញទីក្រុងភ្នំពេញ តែអញ្ចឹងតទៅឬ?មិនបង្ក្រាបមកពីខ្លាចឥទ្ធិពលឧកញ៉ាសង្គមងងឹតនិងមន្ត្រីទុច្ចរិតកាងឆ្នោតកន្ទុយលេខយួន? vojhotnews.com ntt168.com 0966635168 012841377
Mon,12 July 2021 (Time 03:24 PM)
ដោយ ៖ vojhotnews (ចំនួនអ្នកអាន: 145នាក់)


 


    លោកលឹម ប៊ណ្ណា ហៅខ្មារ ដែលធ្លាប់ល្បីខាងបំផ្លិចបំផ្លាញព្រៃឈើជាតិខ្មែរ អោយហិនហោចនៅភាគឦសាន្តប្រទេសកម្ពុជា អស់ឈើ ស្វាទឹកភ្នែករកកន្លែងជ្រកគ្មាន គាត់មានឥទ្ធិពលដឹកឈើលក់អោយបរទេសដោយសេរី កើបលុយរាប់ពាន់លានដុល្លារ «អ្នកច្បាប់ឃើញខ្លាច» ហើយគ្មាននរណាម្នាក់អាចនាំខ្លួនលោកទៅទទួលទោសបាន ពេលនេះត្រូវពលរដ្ឋហៅថាជា«ឧកញ៉ាសង្គមងងឹត»

   មានជនទុច្ចរិតជ្រកក្រោមតួរនាទី ឋានៈជាមន្ត្ត្រីគ្រាក់ៗខ្លះបំរើការក្នុងស្ថាប័ននគរបាលជាតិ និងខ្លះជាមន្ត្រីPMក្រុងភ្នំពេញ ខ្លះជាអ្នកមានធនធានធ្វើជាខ្ទួយអែបសំបកអ្នកមានឋានខ្ពង់ខ្ពស់។ពួកគេក្លាយជាជនទុច្ចរឹតកាងបើកល្បែងសុីសងកត់ឆ្នោតកន្ទុយលេខពាសពេញទីក្រុងហាក់ដូចជាប្រទេសអនាធិប្បតេយ្យមហាលោតផ្លោះមហាអស្ចារ្យ។

   សមាសភាពឧកញ៉ាសង្គមងងឹត មន្ត្រីគ្មានតម្លៃ  អ្នកមានខ្ទួយអែបសំបកខ្លះទាំងនោះកំពុងបានដៃក្រអើតក្រទមបំផុតបើកល្បែងសុីសងកត់ឆ្នោតកន្ទុយលេខយួនខុសច្បាប់ ជ្រកក្រោមឆត្រ័អាជ្ញាប័ណ្ណឆ្នោតឡូតូគ្រប់ៗគ្នា  បង្កើតទីតាំងឆ្នោតកន្ទុយលេខខុសច្បាប់រាតត្បាតគគ្រឹកគគ្រេងពេញទីក្រុងភ្នំពេញ ប៉ុន្តែលោកឧត្តមសេនីយ៍  ថេតក្នុងនាមស្នងការនគរបាលក្រុងហាក់ដូចជាមានឥរិយាបទរួញក្រាបដូចពង្រូលឬមិនហ៊ានបង្ក្រាប

  ថ្មីៗនេះលោកលឹមប៊ុណ្ណាហៅខ្នារដែលពលរដ្ឋហៅថា«ឧកញ៉ាសង្គមងងឹត»បានចេញមុខដាក់កូនកញ្ច្រែង  កត់ឆ្នោតកន្ទុយលេខយួនបើកការអុកឡុកនៅខេត្តកំពតទៀត បណ្តាលអោយផ្អើលចៃល្បែងគ្រាក់ៗនៅភ្នំពេញរួមទំាងជើងយកាង មានខ្លា មានតោ ជាមន្ត្រីទុច្ចរិតពាក់ផ្កាយព្រោងព្រាតខ្លះធ្លាប់ប៉ាវផ្តាច់នៅខេត្តកំពត បង្ករព្យុះភ្លៀងទប់ស្កាត់ករណីចង់ប៉ាវផ្តាច់កន្ទុយលេខឆ្នោតយួនខុសច្បាប់ទាំងក្នុងខេត្តកំពតដែរ ។ធ្វើអោយលោកឧកញ៉ាសង្គមងងិតយើង បានប៉ះនឹងចចក ខ្លាកាច  ដណ្តើមគម្រង់ខ្មោចល្បែង ប្រខាំគ្នាលាន់ទ្រហឹងពេញខេត្តកំពត។ចេញមកប្រឆាំងតវ៉ាបរិហារពីភាពអស្ចារ្យដែលថាឧកញា៉ខ្នារអាចបញ្ជាសមត្ថកិច្ចបានដូចបាញ់អាប៉ោងដែកឆក់អោយចាប់កូនកញ្ច្រែងថែលធ្លាប់កត់អោយតោ អោយខ្លា យ៉ាងអាមាស់តាម(ក្លីបវីដេអូ)។ប៉ុន្តែក្រោយពីក្រុមរកសុីទុច្ចរិតខាំគ្នាមកល្បីថាស្នងការខេត្តកំពតបានបើកយុទ្ធនាការបង្ក្រាបនិងប្តេជ្ញាបិទទាំងអស់  តែនៅមិនទាន់ដឹងថាបានប៉ុន្មានដង្ហើមចង្រឹតនៅឡើយ។

    និយាយពីបនល្បែងកត់កន្ទុយលេខយួននៅក្នុងក្រុងភ្នំពេញវិញ  ប្រភពពីអ្នកញៀនកន្ទុយលេខយួន នៅភ្នំពេញថា៖ឧកញ៉ាសង្គមងងឹត លឹម ប៊ុណ្ណា(ខ្នារព្យាយាមកាងផ្តាច់មុខកន្លែងកត់ឆ្នោតយួនខុសច្បាប់ទាំងអស់ដែរតែទៅអត់រួច កាងបានតែទីតាំងធំៗខ្លះ ដោយអាជ្ញាបណ្ណ័ឆ្នោតឡូតូK9 ជាលេសបន្លំកត់កន្ទុយលេខឆ្នោតយួនខុសច្បាប់ ។ប្រភពបន្តថានៅកន្លុកកន្លៀតណាក៏មានសាខាកត់ឆ្នោតយួនខុសច្បាប់អោយលោកលឹមប៊ុណ្ណាដែរ។គាត់ជាឧកញ៉ាខ្លាំងមែន(អ្នកអនុវត្តច្បាប់ឮតែឈ្មោះខ្លាចដូចខ្លាចខ្មោច)។សមត្ថកិច្ចមូលដ្ឋានវិញមិនហ៊ានប៉ះពាល់បង្ក្រាបសាខាកត់ឆ្នោតយួនខុសច្បាប់ណាមួយដែលជាសាខាកត់ឆ្នោតយួនណាប្រើឈ្មោះក្រុមហ៊ុនK9

របស់គាត់ឡើយ ព្រោះតែឧកញ៉ាសង្គមងងឹតនោះក៏មានខ្នងបង្អែកដែលមានអំណាច  ក្បាលមិនជាប់មេឃជើងមិនជាប់ដីកាងពីក្រោយដែរ។សមត្ថកិច្ចខ្លះ  សុខចិត្តសម្ងំសោយសុខ (ដេកបន្លំដួលរមួលបន្លំគ្រេច ម៉ាៗយកតែស៊ង)ខ្លះលាតបាតដៃយកលុយប្រចាំខែតាមគ្នី តាមគ្នា  ទើបឈឹងអាវ៉ាកូនឈឹងអញ្ចឹងទៅ។ ជាក់ស្ដែងដូចជានៅទីតាំងធំៗមាន៖ អតីតតូបលក់ចានឆ្នាំងមួយកន្លែងនៅខាងលិចផ្សារធំថ្មី ,ខាងជើងផ្សាធំថ្មី . ផ្សារសាំហាន់ផ្សារទួលសង្កែផ្ទះមួយល្វែងនៅផ្លូវលេខ១០៥មានទីតាំងក្នុងភូមិបាក់ទូកក្បែរសង្កាត់ទួលសង្កែទី០១ ទីតាំងនៅផ្សារឯករាជ្យ២ជាការិយាល័យសាខាកត់និងទទួលយកការចាក់ឆ្នោតពីបណ្តាខេត្តផ្សេងៗទូទាំងប្រទេសរបស់លោកឧកញ៉ាសង្គមងងឹតទៀតផងតែមិនរំខានសមត្ថកិច្ចផ្នែកណាទាំងអស់​ ។ទីតាំងកត់កន្ទុយលេខយួនធំៗជាច្រើនក្រៅពីក្រុមហ៊ុនK9របស់លោកលឹម ប៊ុណ្ណាហៅខ្នារជារបស់ក្រុមហ៊ុនជ្រកក្រោមអាជ្ញាបណ្ណ័ឆ្នោតឡូតូនិងកត់តែកន្ទុយលេខឆ្នោតខ្មែរបំពានអាជ្ញាបណ្ណ័(កិច្ចសន្យា)ដូចគ្នាដូចជាក្រុមហ៊ុនK38 .ក្រុមហ៊ុនM99.ក្រុមហ៊ុន999

ល្បីថាកាងដោយមន្ត្រីស្នងការនគរបាលម្នាក់ដែលកាងជាង៣០ឆ្នាំទៅហើយដូចជានៅផ្លូវត្រសក់ផ្អែម,នៅខាងជើងផ្សារអូរឬស្សីកាងដោយមន្ត្រីPMក្រុងម្នាក់ និងមានទីតាំងកត់កន្ទុយលេខឆ្នោតយួនខុសច្បាប់រាប់ពានកន្លែងកាងដោយមេកញ្ច្រែងជាខ្ទួយអែបសំបកដូចជាទីតាំងនៅកាច់ជ្រុងខាងជើងឈៀងខាងកើតផ្សារសុវណ្ណានិងជុំវិញផ្សាររបឹងព្រលឹតជារបស់មន្ត្រីមានអំណាចក្នុងស្ថាប័នPMម្នាក់ជាដើម។

    សព្វថ្ងៃគ្រាន់តែជាកាសែតទោះយល់ថាបើនៅតែបណ្តោយអោយមានល្បែងសុីសងច្រើនស្កេកស្កះគ្រប់ផ្លូវ គ្រប់ផ្សារ គ្រប់ឌៀងហែមណាៗទាំងអស់សុទ្ធតែជាល្បែងកន្ទុយលេខឆ្នោតយួនខុសច្បាប់ ហើយសុទ្ធតែយកអជ្ញាបណ្ណ័ឆ្នោតឡូតូស្អីគេនោះមកបិទបាំងធ្វើឡប់ឡែ បើកកត់ម៉ាទំហឹងពេញទីក្រុងដូច្នេះ វាជាមហន្តរាយដល់សង្គមជាតិធ្ងន់ធ្ងរ និងកំពង់ធ្វើឲ្យប្រជាជនជួបរងនូវការលំបាកបន្ថែមទៀតពេលcovid-19 កំពង់វាយប្រហារ។

      ក៏ប៉ុន្តែបុគ្គលខ្លះដែល ពួកគេកំពុងក្តាប់អំណាចពេញដៃ ជាមន្ត្រីថោកយស ជាឧកញ៉ាសង្គមងងឹត គេគឹតនិងយល់ផ្ទុយទៅវិញ  គេបែរជាគឹតនិងចាត់ទុកថាការបើល្បែងសុីសងពេញទីក្រុងដូច្នេះគឺជាវាសនាដែលទេវតាប្រទានអោយគេនូវមាសប្រាក់ យសសក្ត័ ធ្វើអោយគេហុឺហារគ្រួសារជីវភាពរុងរឿងទៅវិញបែបនេះហើយទើបមិនមានការបង្ក្រាប់ដុំកំភួន។

    លោកលឹម ប៊ុណ្ណាដែលគេនិយមហៅថា

«ឧកញ៉ាសង្គមងងឹត»ដែលពាក់ពន្ធ័នឹងមុខរបរទុច្ចរិតខាងលើ ខណៈលោកមានគោរម្យងារឧកញ៉ាមិនអាចសុំបកស្រាយបានទេតាមទូរសព្ទ័កាលពីព្រឹកមិញ។លោកស្នងការនគរបាលក្រុងភ្នំពេញលោកស ថេត បានទូរសព្ទ័សុំបំភ្លឺមិនអាចទាក់ទងបានពីព្រឹកមិញ។មានមន្ត្រីអ្នកនាំពាក្យកងកម្លាំងកងរាជអាវុធហត្ថក្រុងភ្នំពេញ មិនអាចទាក់ទងបំភ្លឺនូវសាមាសភាពPMក្រុងដែលល្បីកាងល្បែងបានដែរកាលពីព្រឹកមិញ។យ៉ាងណាយើងនៅតែរងចាំការបកស្រាយពីគ្រប់អ្នកពាក់ពន្ធ័គ្រប់វេលា។

     ស្ថាប័នកំពូលៗពាក់ពន្ធ័ការផ្តល់ជូនគោរម្យងារឧកញ៉ាដល់បុគ្គលទាំងឡាយ គួរតែត្រូវកែសម្រួលលប់ឈ្មោះឧកញ៉ាៗចោលខ្លះទៅក្នុងចំណោមតួរលេខឧកញ៉ាជាង៧០០នាក់មានឧកញ៉ាខ្លះជាជនសង្គមងងឹត ឧកញ៉ាខ្លះជាចោរឆក់ប្លន់ដីធ្លីប្រជារាស្ត្រ ឧកញ៉ាខ្លះរកសុីតែមុខរបរទុច្ចរឹតធ្វើអោយខូចកិត្តិយសដល់ឧកញ៉ាមួយចំនួនដែលបានជួយជាតិរាល់គ្រប់គ្រាលំបាកកុំអោយដូចពំនោលថា«ត្រីមួយត្រកស្អុយ១ស្អុយទាំអងស់»៕សូមអានភាគទី3បន្តទៀត

 

ព័ត៌មានគួរចាប់អារម្មណ៍

បីលោកផាន អូន អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំអតីតៈ«កាំកុងត្រូល » ពុករលួយមានអ្នកកាង សង្ឃឹមថាមានការបង្ក្រាបទប់ស្តាត់ ថ្ងៃចេញផ្សាយៈ 25,08 2021 (ktk168)

ព័ត៌មានគួរចាប់អារម្មណ៍

សម្របសម្រួល​គ្នា ? មេ​ពន្ធដារ​ស្នើ​ឲ្យ​បញ្ចប់​វិវាទ​ផ្ទាល់ខ្លួន​រវាង​មេ​រង​ពន្ធដារ វ៉ាន់ ពុទ្ធិ​ពល និង​ក្រុម​មេធាវី​៦១​នាក់ ដោយ​សន្តិវិធី និង​យោគយល់​គ្នា​ក្នុង​កម្រិត​ខ្ពស់បំផុត (គតិជាតិខ្មែរ)

ព័ត៌មានគួរចាប់អារម្មណ៍

ឈ្មួញ​​ឈើធំ ជាមន្រ្តីប៉េអឹមខេត្ត​ត្បួងឃ្មុំ ឈ្មោះ​ ស្រ៊ុន ផឹងឡាយ​ មានខ្នងបង្អែ​កដ៍រឹង​មាំក្នុងខេត្ត​ ធ្វើសកម្មភា​ពដឹក​ឈើប្រណិត​ ទៅលក់នៅស្រុកយួន ពេញបន្ទុក (គតិជាតិខ្មែរ)

ព័ត៌មានគួរចាប់អារម្មណ៍

គណៈមេធាវី​ប្រុង​ធើ​កលោក វ៉ាន់ ពុទ្ធិ​ពល អគ្គនាយករង​ពន្ធដារ មែនទែន​ហើយ​! (គតិជាតិខ្មែរ)

ព័ត៌មានគួរចាប់អារម្មណ៍

រដ្ឋធម្មនុញ្ញ និង​ច្បាប់​ស្តីពី​ទូរគមនាគមន៍​ក្លាយជា​«​ក្រដាសអនាម័យ​» នៅពេលដែល​ការសន្ទនា​តាម​ប្រព័ន្ធ​ទូរគមនាគមន៍​«​បែកធ្លាយ​ដូច​ទឹកបាក់​ទំនប់​» (គតិជាតិខ្មែរ)

វីដែអូ

ចំនួនអ្នកទស្សនា

ថ្ងៃនេះ :
26011 នាក់
ម្សិលមិញ :
53903 នាក់
សប្តាហ៍នេះ :
266317 នាក់
ខែនេះ :
1871996 នាក់
3 ខែនេះ :
6222599 នាក់
Online :
8707 នាក់
សរុប :
64969522 នាក់