078351179 0966289168 966635168

     ឧកញ៉ាសង្គមងងឹត ដែលធ្លាប់ល្បីខាងមបំផ្លិចបំផ្លាញព្រៃឈើជាសម្បត្តិជាតិខ្មែរ អោយរលាយហិនហោចនៅភាគឦសាន្តប្រទេសកម្ពុជា អស់ឈើស្ទើរតែស្វារកកន្លែងជ្រកលែងបាននិងដែលមានឥទ្ធិពល ដឹកឈើលក់អោយបរទេសម៉ាសេរី កើបលុយបាន រាប់ពាន់លានដុល្លារ ឯអ្នកអនុវត្តច្បាប់ឃើញខ្លាចដូចខ្លាចខ្មោចកន្លងមក។ក៏ប៉ុន្តែ ហើយក្រោយមកឧកញ៉ារូបនោះ  មិនដឹងជាហេតុអីត្រូវសមត្ថកិច្ចថ្នាក់ជាតិតាមចាប់ខ្លួន បែរចាប់បានតែផេះ ពេលនេះលោកឧកញ៉ាសង្គមងងឹតលឹមប៊ុណ្ណានោះ ?បានអភិវឌ្ឍន៍មុខរបរទុច្ចរិតថ្មីចែស នៅក្នុងខេត្តកំពតទៀតហើយ បន្ទាប់ពីប៉ាវផ្តាច់កន្ទុយលេខឆ្នោតយួនខុសច្បាប់ពាសពេញក្រុងភ្នំពេញ អត់មានសមត្ថកិច្ចណាហ៊ានក្អកក្រហែមក្បែរ អស់រយៈពេលជាង២ឆ្នាំមកនោះ។? 

      តែជាអកុសលទៀតហើយ ពេលនេះឧកញ៉ាសង្គមងងឹត លឹមប៊ុណ្ណា ហៅខ្នារ  ត្រូវមេឆ្នោតខុសច្បាប់ក្ក្បាលដុះស្លែខេត្តខ្លះ កើតទុក្ខមិនសុខចិត្ត រឿងចូលទៅរកសុីកាងផ្តាច់  ហើយបានទម្លាយរឿងសម្អុយអោយកាសែតនិយាយ(អត់បោះពុម្ព) មួយជីកកកាយ ឡាយវីដេអូ អំពីការពង្រីករបរទុច្ចរិត រកសុីប៉ាវផ្តាច់ឆ្នោតយួនខុសច្បាប់នៅខេត្តកំពតរបស់គាត់ និងភាពអស្ចារ្យដែលគាត់អាចបញ្ជាសមត្ថកិច្ចបានដូចបាញ់គ្រាប់អាប៉ោង យ៉ាងអាមាស់តាម(ក្លីបវីដេអូ)  ។

    បើយោងតាមការឡាយវីដេអូរដោយលោកចាងហ្វាងខាងលើអោយដឹងថា៖ ឧកញ៉ាលឹមប៊ុណ្ណាបានសារភាពថាខ្លួនគាត់ពិតជាបានបើកល្បែងកន្ទុយលេខយួនផ្តាច់មុខនៅក្នុងខេត្ត ហើយប៉ាវផ្តាច់ក្នុងខេត្តកំពតពិតមែន តែសូមលោកចាងហ្វាងកុំរំខាន(មានឯកសារ)។

       ប្រភពពីអ្នកញៀនកន្ទុយលេខយួន នៅភ្នំពេញ និងខេត្តកំពតធ្លាប់ទម្លាយប្រាប់អោយដឹងថា៖ឧកញ៉ាសង្គមងងឹត លឹម ប៊ុណ្ណា(ខ្នារ)បានកាងផ្តាចមុខកន្លែងកត់ឆ្នោតយួនខុសច្បាប់ធំៗស្ទើរតែទាំងអស់នៅក្នុងក្រុងភ្នំពេញ។ប្រភពបន្តថា លោកបានបើកក្រុមហ៊ុនមួយដើម្បីលួចបន្លំកត់កន្ទុយលេខខុសច្បាប់ ហើយនៅកន្លុកកន្លៀតណាក៏មានសាខាកត់ឆ្នោតយួនផ្តាច់មុខអោយលោកដែរ​។ជាឧកញ៉ាខ្លាំងមែន(អ្នកអនុវត្តច្បាប់ឮតែឈ្មោញខ្លាចដូចខ្លាចខ្មោច)។សមត្ថកិច្ច​មូលដ្ឋាន​វិញមិនហ៊ានប៉ះពាល់បង្ក្រាបសាខាកត់ឆ្នោតយួនខុសច្បាប់ណាមួយដែលជាសាខាកត់ឆ្នោតយួនណាប្រើឈ្មោះក្រុមហ៊ុនគាត់ឡើយ ព្រោះឧកញ៉ាសង្គមងងឹតនោះក៏មានខ្នងបង្អែកដែលមានអំណាចក្បាលមិនជាប់មេឃជើងមិនជាប់ដីពាក់លោកខែកាងពីក្រោយថែមទៀតទើបសមត្ថកិច្ចខ្លះ  សុខចិត្តសម្ងំសោយសុខ (ដេកបន្លំដួល រមួលបន្លំគ្រេច )ខ្លះលាតបាតដៃយកលុយប្រចាំខែតាមគ្នីតាមគ្នា  ឈឹងអាវ៉ាកូនឈឹងអញ្ចឹងទៅ។  

       ប្រភពបន្តថាជាក់ស្ដែង​ដូច​ជា​នៅ​ទីតាំង អតីតតូបលក់ចានឆ្នាំងមួយកន្លែងនៅផ្សារដេប៉ូខាងលិចផ្សារធំថ្មី ,ខាងជើងផ្សាធំថ្មី  ផ្សារសាំហាន់ទួលសង្កែ, ផ្ទះមួយល្វែងនៅផ្លូវលេខ១០៥ មានទីតាំងក្នុងភូមិបាក់ទូកសង្កាត់ទួលសង្កែទី០១ ខណ្ឌឬស្សីកែវ ទីតាំងនៅផ្សារឯករាជ្យ២,សុទ្ធតែនៅភ្នំពេញជាសាខាកត់និងទទួលយកការចាក់ឆ្នោតពីបណ្តាខេត្តផ្សេងៗរបស់លោកឧកញ៉ាសង្គមងងឹតនោះដែរ។ហើយកំពុង​ធ្វេី​សកម្មភាព​ដោយរលូន​ដោយមិនរំខាន​សមត្ថកិច្ច​ណាទាំងអស់​ ។ក៏ប៉ុន្តែនៅភ្នំពេញខ្លាសាហាវច្រើនលោកមិនអាចផ្តាច់មុខផ្កាប់ឆ្នាំងបាយមន្ត្តី្រខ្លាសាហាវខ្លះបានទេដូចជាមានទីតាំងកត់កន្ទុយលេខយួនធំៗមួយចំនួនផ្សេងទៀតនៅតែជារបស់មន្ត្រីស្នងការនគរបាលម្នាក់កាងកត់ឆ្នោតយួនជាង៣០ឆ្នាំមកហើយនៅផ្លូវត្រសក់ផ្អែម និងមួយទីតាំងទៀតនៅកាច់ជ្រុងខាងជើងឈៀងខាងកើតផ្សារសុវណ្ណានិងខាងកើតផ្សារអូរឬស្សីជារបស់មន្ត្រីមានអំណាចក្នុងស្ថាប័នPMម្នាកដែលលោកឧកញ៉ាសង្គមងងឹត មិនអាចលូកលាន់យកផ្តាច់មុខដែរ។  

       តាមក្លីបវីដេអូដែលបានសំពងលោកឧកញ៉ាសង្គមងងឹតលឹម ប៊ុណ្ណាយ៉ាងជូរចត់ថ្មីៗនេះ បានអោយដឹងថា៖ដើម្បីរៀបចំអោយដំណើរការក្តោបក្តាប់មុខរបរកត់ឆ្នោតកន្ទុយលេខយួនខុសច្បាប់ផ្តាច់មុខទូទាំងខេត្តកំពតបាន លោកឧកញ៉ាលឹម ប៊ុណ្ណាបានរៀបចំបង្កើតក្រុមការងារអុកឡុកមួយក្រុមមសនរហស្សនាមថសក្រុមK9 ដែលបំពាក់មធ្យោបាយរថយន្តពាក់ស្លាកលេខ ខ.ម ជាលេខកងយោធពលខេមរភូមិន្ទ អោយដើរអុកឡុកឆាឆៅគ្រប់កន្លែងកត់ឆ្នោតក្នុងខេត្ត ពួកដើថបង្ក្រាបអុកឡុកបនល្បែងណាដែលក្បាលរឹង កត់កន្ទុយលេខអោយថៅកែផ្សេង មិនព្រមកត់អោយឬមិនព្រមធ្វើជាសាខាអោយលោកលឹម ប៊ុណ្ណាអោយយល់ព្រម តែបើកន្លែងណាមួយនៅតែមិនព្រម ត្រូវរងការបង្ក្រាបរឹបអូសមធ្យោបាយកត់ឆ្នោតនិងត្រូវនាំខ្លួនទៅចាត់ការតាមផ្លូវច្បាប់ភ្លាមដោយប្រើកម្លាំងនគរបាលខេត្តមួយចំនួនទៀត  ដែលលោកលឹមប៊ុណ្ណាអាចបញ្ជាបានដូចបាញ់អាប៉ោងបញ្ជាអោយទៅបង្ក្រាបឥតត្រាប្រណីឡើយ។ហេតុនោះហើយទើបធ្វើអោយអ្នកកត់ឆ្នោតខុសច្បាប់អោយមេកញ្ច្រែងផ្សេងក្បាលដុះស្លែនៅខេតមតកំពតមួយចំនួនក្តៅក្រហាយទម្លាយអោយដឹង។

      លោកលឹម ប៊ុណ្ណាមិនអាចសុំការបកស្រាយបន្ថែមនូវការហៅលោកថាជាឧកញ៉ាសង្គមងងឹតពាក់ពន្ធ័នឹងមុខរបររបស់លោកដែលគេដឹងថាច្រើនតែរកសុីមុខរបរទុច្ចរឹតក្នុងពេលលោកមានគោរម្យងារឧកញ៉ាបានទេកាលពីព្រឹកមិញ។លោកស្នងការនគរបាលភ្នំពេញនិងខេត្តកំពតនិងលោកមេបញ្ជាការPM ខេត្តកំពតក៏នៅតែមិនអាចសុំការណែនាំពាកពន្ធ័នឹងល្បីថា មានមន្ត្រីកងកម្លាំងនគរបាលខេត្តមួយចំនួនចូលដៃជើងជាមួយមេល្បែងហើយត្រូវមេល្បែងបញ្ជាចុះបង្ក្រាបឆ្វេង ស្តាំតាមចិត្តមេលរើសអើងតាមបញ្ជាមេល្បែងផ្តាច់មុខបានទេកាលពីល្ងាចថ្ងៃ២៧ឧសភា២០២១បានដែរ?ទោះយ៉ាងណាសារព័ត៏មានយើងនៅតែរងចាំការបកស្រាយពីគ្រប់អ្នកពាក់ពន្ធ័គ្រប់វេលា។

        គោរម្យងារឧកញ៉ាគួរតែត្រូវកែសម្រួលលប់ឈ្មោះចេញពីបញ្ជីខ្លះហើយនៅពេលនេះ។ក្នុងចំណោមមតួរលេខឧកញ៉ាជាង៧០០នាក់មានឧកញ៉ាខ្លះជាជនសង្គមងងឹត ឧកញ៉ាខ្លះជាចោរឆក់ប្លន់ដីធ្លីប្រជារាស្ត្រ ឧកញ៉ាខ្លះរកសុីតែមុខរបរទុច្ចរឹត ពួកឧកញ៉ាសង្គមងងឹតទុច្ចរឹតទាំងនោះខ្លះបានទទួលគោរម្យងារដោយការទិញ មិនមែនមានគុណសម្បត្តិជួយជាតិស្អីនោះទេ ហេតុនោះហើយដែលធ្វើអោយខូចកិត្តិយសដល់ឧកញ៉ាមួយចំនួនដែលបានជួយជាតិរាល់គ្រាឆ្លងកាត់ការលំបាកដូចពំនោលថាធ្វើ«ត្រីមួយត្រកស្អុយ១ស្អុយទាំងអស់»សារព័ត៏មាន និងសមាគម សហព័ន្ធអ្នកសសរព័ត៏មានកម្ពុជាអង្កេតការពិត នឺងតាមដានឧកញ៉ាសង្គមងងឺតទុច្ចរឺតទាំង៧០០នាក់មកបន្តភាគទី០២ទៀត៕សូមរងចាំអានបន្ត០២