11/27/2022 4:39:35 PM
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
ឃាត់ខ្លួនបុរសម្នាក់ដែលជាអ្នកទៅចូលរួមបោះបង្គោល និងឈរការពារបង្គោលដែលពួកគេបោះរំលោភយកដី វត្តតាមបញ្ជាមេកើយរបស់គេ
Tue,06 August 2019 (Time 08:32 AM)
ដោយ ៖ សហការី (ចំនួនអ្នកអាន: 1337នាក់)


(ភ្នំពេញ) ករណីជនមិនស្គាល់មុខ ប្រើកូនចៅទៅបោះបង្គោលរបងព័ន្ធយកដីវត្តគោកបញ្ជាន់ មានទំហំជិត ៤ហិកតា មានតម្លៃខ្ទង់ជិត២០លានដុល្លារ កាលពីពេលថ្មីៗនេះ ឥឡូវមន្ត្រីអាជ្ញាធរបានស្គាល់អត្តសញ្ញាណ  អាជ្ញាធរបានស្គាល់អត្តសញ្ញាណជនខាងលើនេះហើយ បន្ទាប់ពីឃាត់ខ្លួនបុរសម្នាក់ដែលជាអ្នកទៅចូលរួមបោះបង្គោល និងឈរការពារបង្គោលដែលពួកគេបោះរំលោភយកដី វត្តតាមបញ្ជាមេកើយរបស់គេ ! 
តាមប្រភពពីមន្ត្រីអាជ្ញាធរ ដែលដកស្រង់ចំលើយរបស់ជនទៅបោះបង្គោលរំលោភយកដីវត្តខាងលើ បានអះអាងថា អ្នកដែលបញ្ជាអោយរូបគេ ទៅបោះបង្គោលយកដីវត្តខាងលើ គឺមានឈ្មោះ ហេង ចេស្តា ប្រធាន ក្រុមហ៊ុន ហេង ចេស្តា តែអត្តសញ្ញាណពិតប្រាកដ គេនៅមិនទាន់ដឹងច្បាស់នៅឡើយ នោះទេ អ្នកខ្លះគេថាឈ្មោះ  ហេង ចេស្តា នេះមានឋានៈ ជាឧត្តមសេនីយ៍ ។ ក្នុងនោះតាមការអះអាង ក្រោយពីមន្ត្រីអាជ្ញាធរលើកគ្នាចុះទៅដកបង្គោលបោះរំលោភយកដីវត្ត និងឃាត់ខ្លួនកូនចៅគេយកទៅសួរនាំរួចមក មានបុរសម្នាក់ដែលអះអាងឈ្មោះ ហេង ចេស្តា ខាងលើ បានទូស័ព្ទទៅគំរាមមន្ត្រីអាជ្ញាធរមូលដ្ឋានទៀតផង ។ 
សូមបញ្ជាក់ថា កាលពីពេលថ្មីៗនេះមានមនុស្សមួយក្រុមមានគ្នាជិត១០នាក់ បាននាំគ្នាយកបង្គោលទៅបោះរំលោភយកដីស្រះទឹកវត្តគោកបញ្ជាន់ មានទំហំជាង ៣ ហិកតា មានទីតាំងស្ថិតនៅក្នុងសង្កាត់ចោមទៅទី២ ខណ្ឌពោធិ៍សែនជ័យ រាជធានីភ្នំពេញ ហើយបោះទីតាំងឈរជើងនៅទីនោះ ដើម្បីការពារបង្គោល និងដីដែលពួកគេអះអាងថា ធ្វើតាមបញ្ជាមេរបស់ពួកគេ ។ 
ក្រោយពីមានករណីបែបនេះ បានធ្វើអ្នកភូមិផ្ទុះប្រតិកម្មឡើង ហើយនៅថ្ងៃទី ២៣ ខែកក្កដា ឆ្នាំ២០១៩ ម្សិលមិញនេះ មន្ត្រីអាជ្ញាធរខណ្ឌពោធិ៍សែនជ័យ បានលើកគ្នាចុះទៅដកបង្គោលស៊ីម៉ង់ត៍នោះចេញវិញរួមទាំងឃាត់ខ្លួនមនុស្សចំនួន ០២ នាក់ យកទៅសាកសួរផងដែរ តែក្រោយមកបុរសម្នាក់មិនមានពាក់ព័ន្ធក៏ដោះលែងវិញ ដោយឃាត់ខ្លួនអ្នកពាក់ព័ន្ធតែម្នាក់ប៉ុណ្ណោះ ។ 
បុរសដែលត្រូវបានឃាត់ខ្លួននោះត្រូវបានគេស្គាល់ឈ្មោះ ហង្ស ពេជ្រ ភេទប្រុស អាយុ ៥៦ ឆ្នាំ អតីតយោធាពិការនៅអង្គភាពពិសេស មុនធ្លាក់ខ្លួនពិការ មានឋានន្តរស័ក្តិ ថ្នាកវរសេនីយ៍ឯក មានទីលំនៅ ភូមិតាង៉ូវ សង្កាត់និរោធ ខណ្ឌច្បារអំពៅ ។ តាមចំលើយរបស់លោក ហង្ស ពេជ្រ បានអោយដឹងថា គាត់មកមើលដីខាងលើនេះតាមបញ្ជាក្រុមហ៊ុន ហេង ចេស្តា ដែលមានទីស្នាក់ការនៅម្តុំវត្តនិរោធខណ្ឌច្បារអំពៅ តែប៉ុណ្ណោះ ។ បច្ចុប្បន្ន ឈ្មោះ ហង្ស ពេជ្រ ត្រូវបានសមត្ថកិច្ចកសាងសុំណុំរឿង ដើម្បីបញ្ជូនទៅតុលាការចាត់តាមច្បាប់ ។ 
ពាក់ព័ន្ធការអះអាងខាងលើ នៅរសៀលថ្ងៃទី ២៤ ខែ កក្កដា ឆ្នាំ២០១៩ នេះ អង្គភាពព័ត៌មាន Fresh New មិនអាចធ្វើការទាក់ទងក្រុមហ៊ុន ចេង ចេស្តា ដើម្បីសុំការបំភ្លឺបានឡើយ ព្រោះមិនមានលេខទូរស័ព្ទ សំរាប់ធ្វើការទាក់ទង ។ 
គួររំលឹកថា កាលពីថ្ងៃទី ០៧ ខែ វិច្ឆិកា ឆ្នាំ ២០០៥ ដីស្រះព្រះទន្លេរបស់វត្តគោកបញ្ជាន់នេះ មានទំហំ ៣៦,៦៥៦ ម៉ែត្រការ៉េ ត្រូវបានលោក ឆាយ ឬទ្ធិសែន អតីតប្រធានមន្ទីររៀបចំដែនដី នគរូបនីយកម្ម សំណង់ និង សុរិយោដី រាជធានីភ្នំពេញ កាលសម័យនោះ ចុះបញ្ជីចេញប័ណ្ណកម្មសិទ្ធិ ជា សម្បត្តិ របស់វត្ត គោកបញ្ជាន់ ស្ថិតនៅភូមិចោមចៅ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ កាលពីអំឡុងឆ្នាំ២០០៦ ដីស្រះព្រះទន្លេ ធ្លាប់មានក្រុមជនខិលខូចឃុបឃិតគ្នាលួចលក់ម្តងរួចមកហើយ ប៉ុន្តែត្រូវបានប្រជាពលរដ្ឋរារាំង និងប្តឹងទប់ស្កាត់ទាន់ពេលវេលា ។ 
ដោយនៅពេលនោះក្រុមជនខិលខូច បានលួចលក់ដីជាប់សាលារៀនបឋមសិក្សាគោកបញ្ជាន់ ដែលជា កម្មសិទ្ធិរបស់វត្តទំហំ ៧ម៉ែត្រ គុណនឹង ១០០ម៉ែត្រអស់ម្តងរួចមកហើយ ។ ពលរដ្ឋសង្កាត់ចោមទី២ បានឱ្យដឹង ថា ករណីដីស្រះព្រះទន្លេ របស់វត្តគោកបញ្ជាន់នេះ កំពុងស្ថិតក្រោមចំណាត់ការរបស់តុលាការរាជធានីនៅឡើយ ដោយសារប្រជាពលរដ្ឋបានប្តឹងរក្សាការពារ និងសុំរំលាយគណៈកម្មការវត្តគោកបញ្ជាន់ចោល ព្រោះពួកគាត់សង្ស័យថា ដីវត្តអាចឈ្នួញទិញបានព្រោះមាន ការឃុបឃិតពីមនុស្សដែលមានសិទ្ធិអំណាច សម្រេចកិច្ចការនៅក្នុងវត្តនេះ ។

តាមអ្នករកស៊ីទិញ លក់ដីធ្លី បានបង្ហើបអោយដឹងថា ទីតាំងដីស្រះទន្លេរបស់វត្តគោកបញ្ជាន់នេះ បើលក់​បាន១ម៉ែត្រការ៉េ ខ្ទង់៥០០ ដុល្លារ ឯណោះ ។ ដូចនេះ បើគេយក ៦.៦៥៦ម៉ែត្រការ៉េ គុណ ៥០០ ដុល្លារទៅ គឺ ស្មើ ១៨,៣២៨.០០០ ដុល្លារឯណោះ ! អញ្ចឹងតើបានឈ្មួញស្រក់ទឹកមាត់មិនខ្លាចបុណ្យបាប ៕

 

ព័ត៌មានគួរចាប់អារម្មណ៍

លោក អភិបាលខេត្តកំពុងឆ្នាំងរួមឈ្មួញដុះស្លែរធំៗដែលធ្វើឲ្យអជ្ញាធរមូលដ្ឋាន និង មន្ត្រីមានសមត្ថកិច្ច ប្រចាំឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កំពុងត្រូវថ្នាំសណ្តំរបស់ឈ្មួញកាវលៀស លង់លក់ សម្ងំប្រមូលប្រាក់ម៉ែនឬ!? (ktk 168)

ព័ត៌មានគួរចាប់អារម្មណ៍

លោក ហ៊ុន សែន និងលោក ស ខេងមិនទាន់បញ្ជាលោក ឃួង ស្រេង លោក ស ថេត និងលោក រ័ត្ន ស្រ៊ាង ចុះបង្ក្រាបទីតាំងល្បែងភ្នាល់ទឹកភ្លៀងដ៏ធំរបស់ឈ្មោះ "ភ្នំមាស ហៅ ហ៊ាសួរ និងម៉ែនញ៉ូ តូតូ''! (ktk168)

ព័ត៌មានគួរចាប់អារម្មណ៍

គោលនយោបាយភូមិសង្កាត់មានសុវត្ថិ ភាពរបស់ក្រសួងមហាផ្ទៃ ត្រូវជាន់ឈ្លី ក្រោមបាតជើងមេល្បែងទឹកភ្លៀងល្មើស ច្បាប់«តាសួរ»នៅកណ្តាលក្រុងភ្នំពេញ ចេញផ្សាយៈ១០/០៩/២០២២ (ktk168)

ព័ត៌មានគួរចាប់អារម្មណ៍

ក្រុមហ៊ុនបើកល្បែង កាស៊ីណូ និងល្បែង Online ខុសច្បាប់ចំនួន ២៣០ អជ្ញាប័ណ្ណត្រូវលុបចោល និងមានអនុញ្ញាតិស្របច្បាប់តែ ៦០ អាជ្ញាប័ណ្ណប៉ុណ្ណោះក្នុងឆ្នាំ២០២២ នេះ! (ktk168)

ព័ត៌មានគួរចាប់អារម្មណ៍

ខេត្តរតន:គិរី ÷ លោក ញែម សំអឿន អាជ្ញាធរខេត្តខេត្តរតនគិរីគ្រប់ជាន់ថ្នាក់ទទួលលុយរាប់មុឺនដុល្លារពី មេឈ្មួញឈើឈ្មោះ ហ៊ូវ ជីវ៉ៃ ជាថ្នូរនឹងការផ្តល់សិទ្ធផ្តាច់មុខដឹកជញ្ជូនឈើ ឆ្លងដែនចេញទៅស្រុកយួន? (ktk168)

វីដែអូ

ចំនួនអ្នកទស្សនា

ថ្ងៃនេះ :
26011 នាក់
ម្សិលមិញ :
53903 នាក់
សប្តាហ៍នេះ :
266317 នាក់
ខែនេះ :
1871996 នាក់
3 ខែនេះ :
6222599 នាក់
Online :
8707 នាក់
សរុប :
64969522 នាក់