ថ្ងៃអាទិត្យ ទី២២ ខែកញ្ញា ឆ្នាំ២០៥០
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
លោក សេង ទៀង ជំនួយការលោកហ៊ុន សែន កំពុងរងការ ចោទថាជាអ្នកកាងក្រុមឈ្មួញ រកសុីឈើធំៗខុសច្បាប់ នៅទូទាំងប្រទេស!
Wed,03 July 2019 (Time 11:52 AM)
ដោយ ៖ សហការី (ចំនួនអ្នកអាន: 146នាក់)


(ភ្នំពេញ)៖ លោក សេង ទៀង ជំនួយការផ្ទាល់របស់លោក ហ៊ុន សែន នាយករដ្ឋមន្រ្តីនៃកម្ពុជា រងការចោទថាជាអ្នកកាង ក្រុមឈ្មួញរកសុីឈើធំៗខុសច្បាប់ នៅទូទាំងប្រទេស។

ក៏ប៉ន្តែក្រោយការបែកធ្លាយនូវទង្វើល្មើសច្បាប់នេះ លោក សេង ទៀងក៏ធ្វើការប្រកាសជា សាធារណះនៅយប់ថ្ងៃទី០២ ខែកក្កដា ឆ្នាំ២០១៩ ដោយស្នើដល់កម្លាំងសមត្ថកិច្ចគ្រប់ជាន់ថ្នាក់ ចាត់វិធានការតាមផ្លូវច្បាប់ចំពោះជនទាំងឡាយណាដែលបានយកឈ្មោះរបស់លោក ទៅប្រើ ប្រាស់គំរាមសមត្ថកិច្ច និងរកស៊ីជំនួញឈើខុសច្បាប់នៅកម្ពុជា។
លោក សេង ទៀង បានអះអាងថា លោកមិនដែលរកស៊ីជួញដូរឈើខុសច្បាប់ ឬជាប់ពាក់ព័ន្ធ ឈ្មួញណាដែលរកស៊ីឈើខុសច្បាប់ឡើយ ប្រសិនបើសមត្ថកិច្ចគ្រប់ជាន់ ថ្នាក់បានដឹង បានលឺ និងឃើញជនណាដែលយកឈ្មោះរបស់លោកដោយអះអាងថា ជាក្មួយ ឬជាបងប្អូនរបស់លោក ទៅរកស៊ី ល្មើសច្បាប់នោះ សូមឲ្យកម្លាំងសមត្ថកិច្ចគ្រប់ប្រភេទ ចាប់ឃាត់ខ្លួនភ្លាមៗ និងចាត់វិធាន ការតាមផ្លូវច្បាប់ ដោយគ្មានការយោគយល់ និងអនុគ្រោះឡើយ។
ការអះអាងរបស់លោក សេង ទៀង ធ្វើឡើងបន្ទាប់ពីសារព័ត៌មានក្នុងស្រុក បានសរសេរចេញ ផ្សាយថា «ឈ្មួញព្រៃឈើឈ្មោះ ផល្លា សោភ័ណ្ឌ និង ហេង យកឈ្មោះលោក សេង ទៀង ជំនួយ ការលោក ហ៊ុន សែនទៅរកស៊ីបទល្មើសព្រៃឈើនៅភូមិភាគឥសាន ធ្វើឲ្យមន្រ្តីជំនាញឡើងរួញ ដូចដុកឌឿ»។
ជាការគត់សំគាល់ កន្លងមកឈ្មួញដែលរកស៊ីទង្វើខុសច្បាប់ មានគ្រប់សណ្ឋាន តែងតែយកឈ្មោះ របស់ថ្នាក់ដឹកនាំ ទៅគំរាមសមត្ថកិច្ច ដើម្បីគេចវេសពីការអនុវត្តច្បាប់ ពីសំណាក់កម្លាំងសមត្ថកិច្ច និងធ្វើឲ្យពួកគេងាយស្រួលក្នុងការរកស៊ីទំនិញខុសច្បាប់។
ក៏ប៉ុន្តែអ្នកវិភាគយល់ថា បើឈ្មួញឈើទាំងនោះមិនដែលមានទំនាក់ទំនងអ្វីសោះជាមួយលោក សេង ទៀងក៏ពួកគេមិនហ៊ានប្រើប្រាស់ឈ្មោះរបស់លោកដែរ៕

ព័ត៌មានគួរចាប់អារម្មណ៍

សម្របសម្រួល​គ្នា ? មេ​ពន្ធដារ​ស្នើ​ឲ្យ​បញ្ចប់​វិវាទ​ផ្ទាល់ខ្លួន​រវាង​មេ​រង​ពន្ធដារ វ៉ាន់ ពុទ្ធិ​ពល និង​ក្រុម​មេធាវី​៦១​នាក់ ដោយ​សន្តិវិធី និង​យោគយល់​គ្នា​ក្នុង​កម្រិត​ខ្ពស់បំផុត (គតិជាតិខ្មែរ)

ព័ត៌មានគួរចាប់អារម្មណ៍

ឈ្មួញ​​ឈើធំ ជាមន្រ្តីប៉េអឹមខេត្ត​ត្បួងឃ្មុំ ឈ្មោះ​ ស្រ៊ុន ផឹងឡាយ​ មានខ្នងបង្អែ​កដ៍រឹង​មាំក្នុងខេត្ត​ ធ្វើសកម្មភា​ពដឹក​ឈើប្រណិត​ ទៅលក់នៅស្រុកយួន ពេញបន្ទុក (គតិជាតិខ្មែរ)

ព័ត៌មានគួរចាប់អារម្មណ៍

គណៈមេធាវី​ប្រុង​ធើ​កលោក វ៉ាន់ ពុទ្ធិ​ពល អគ្គនាយករង​ពន្ធដារ មែនទែន​ហើយ​! (គតិជាតិខ្មែរ)

ព័ត៌មានគួរចាប់អារម្មណ៍

រដ្ឋធម្មនុញ្ញ និង​ច្បាប់​ស្តីពី​ទូរគមនាគមន៍​ក្លាយជា​«​ក្រដាសអនាម័យ​» នៅពេលដែល​ការសន្ទនា​តាម​ប្រព័ន្ធ​ទូរគមនាគមន៍​«​បែកធ្លាយ​ដូច​ទឹកបាក់​ទំនប់​» (គតិជាតិខ្មែរ)

ព័ត៌មានគួរចាប់អារម្មណ៍

​ប៊ុន សេរី អធិរាជ​ស្តេច​លុយ​ប្រចាំ​សាលាក្រុង​ភ្នំពេញ​ខ្លួន ជាលា​ពាក់​ស្បែក​ខ្លា​ប្រឹង​បឺត​ជញ្ជក់​ឈាម​ជាតិ​ឆ្អែត​ហើយ​ឬ​នៅ ? (គតិជាតិខ្មែរ)

វីដែអូ

ចំនួនអ្នកទស្សនា

ថ្ងៃនេះ :
49071 នាក់
ម្សិលមិញ :
49931 នាក់
សប្តាហ៍នេះ :
483569 នាក់
ខែនេះ :
2132084 នាក់
3 ខែនេះ :
6933019 នាក់
Online :
16394 នាក់
សរុប :
62606043 នាក់