លោក ឈួន រស្មី គឺជាជនឆរបោកប្រាក់ បញ្ជូនសិស្សទៅធ្វើកម្មសិក្សា នៅប្រទេសជប៉ុន ដោយលួចលាក់ ធ្វើការខុសច្បាប់
បើតាមអ្នកយកព័ត៌មានដកស្រងសំដីរបស់ជនរងគ្រោះ បានអោយដឹងថា លោក ឈួន រស្មី ដែលបានអះអាងថាខ្លួន ជានាយកក្រុមហ៊ុន កាណាហ្សារ៉ា អេលីស យេផេនីស ស្គូល ឯ.ក ដែលមានអាសយដ្ឋាន ផ្ទះលេខ A1 ផ្លូវ72P ភូមិរោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញ អាន មានសិទ្ធិនាំបញ្ជូនសិស្សទៅធ្វើកម្មសិក្សានៅប្រទេសជប៉ុន ដោយមានការអនុញ្ញាតពីក្រសួងការងារ និងបណ្តុះបណ្តាលវិជ្ជាជីវៈ ធ្វើអោយពួកមានទំនុកចិត្តយកលុយដែលបានមកពីការចងការប្រាក់ពីធនាគារ អ្នកខ្លះបានលក់គោ -ក្របី អ្នកខ្លះលក់ដីស្រែ ដើម្បីមកបង់ថ្លៃសាលារៀន ភាសារជប៉ុន ហើយបានទៅធ្វើកម្មសិក្សានៅការងារនៅប្រទេសជប៉ុន ដើម្បីទទួលប្រាក់ខែយកមកបង់ប្រាក់ការ ឬសងគេវិញ ។
ក៏ប៉ុន្តែ ផ្ទុយទៅវិញ លោក ឈួន រស្មី ពុំបានធ្វើអ្វីដល់សិស្សដើម្បីបញ្ជូនទៅធ្វើការងារកម្មសិក្សា នៅប្រទេសជប៉ុន បានដូចបំណងនោះទេ ធ្វើអោយពួកសិស្សទាំងអស់ពុំបានទៅប្រទេសជប៉ុនទេ ហើយក៏មិនបានទទួលខុសត្រូវដល់ពួកសិស្សកម្មសិក្សានោះទេ ធ្វើអោយពួកទាំងអស់គ្នា រងចាំពីមួយខែទៅមួយខែ ដូច្នេះ ពួកគេក៏បានស្នើសុំអោយអ្នកសារព័ត៌មានជួយផ្សព្វផ្សាយ អន្តរាគមន៍ដល់ក្រសួង ស្ថាប័ន ពាក់ព័ន្ធ និងជាពិសេស ក្រសួងការងារ និងបណ្តុះបណ្តាលវិជ្ជាជីវៈ និងក្រសួងមហាផ្ទៃ មេត្តាចុះជួយពិនិត្យស្រាវជ្រាវ ជាបន្ទាន់ កុំអោយជនខិលខូចឈ្មោះ ឈួន រស្មី បើកសាលារៀង ហើយបោកប្រាស់សិស្សទៅធ្វើកម្មសិក្សានៅប្រទេសជប៉ុនជាបន្ទាន់ ។
ជនរងគ្រោះសូមអំពាវនាវ ដល់បងប្អូន ប្រជាពលរដ្ឋ ដែលជាសិស្ស ចង់ទៅធ្វើកម្មសិក្សានៅប្រទេសជប៉ុន មេត្តាពិនិត្យអោយបានច្បាស់លាស់ ដោយក្រុមហ៊ុននោះ ត្រូវតែមានអាជ្ញាប័ណ្ណ និងចុះបញ្ជីពីក្រសួងការងារ និងបណ្តុះបណ្តាលវិជ្ជាជីវៈច្បាស់លាស់មុននឹងសម្រេចចិត្តចុះឈ្មោះចូលរៀន ។
![]()
![]()
![]()