ថ្ងៃព្រហស្បតិ៍ ទី២៣ ខែឧសភា ឆ្នាំ២០៥០
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
ក្រុមហ៊ុន លឹមរ៉ូយ៉ាល់គ្រុបរបស់ឧកញ៉ា លឹម ប៊ុណ្ណាកំពុងកាប់ ទន្ទ្រានដែនអភិរក្សបរិស្ថានភ្នំព្រេចឲ្យវិនាសហិនហោច
Wed,27 December 2017 (Time 06:15 PM)
ដោយ ៖ ktk168 (ចំនួនអ្នកអាន: 600នាក់)


លោកលឹម ប៊ុណ្ណា និងភរិយា ថុង ធីតា ព្រមទាំងមេការ លោក ស្រេង ម៉េង​និងឡាន
ដឹកខេត្តមណ្ឌលគិរី៖ ប្រជាពលរដ្ឋរួមទាំង​មន្ត្រី​សហគមន៍​បាន​អោយដឹងថាដែន​អភិរក្ស​បរិស្ថាន​ភ្នំ​ព្រេច កំពុងតែ​រង​នូវ​ការកាប់បំផ្លាញ​យ៉ាងធ្ងន់ធ្ងរដែល​អាច​និយាយថាដែន​អភិរក្ស​បរិស្ថាន​មួយ​នេះ​នឹងត្រូវ​វិនាស​ហិនហោច នាពេល​ឆាប់ៗ នេះ ដោយ​ស្នាដៃ​ក្រុមហ៊ុន លឹម រ៉ូយ៉ាល់​គ្រុប របស់លោកឧកញ៉ា លឹម ប៊ុណ្ណានិងភរិយាឈ្មោះ ថុង ធីតាដែល​បាន​ឃុបឃិត​ជា​ប្រព័ន្ធ​ជាមួយ អាជ្ញាធរខេត្ត ស្រុក​និង​ផ្នែក​ជំនាញ​ព្រៃឈើ​និង​បរិស្ថាន នៅទូទាំងខេត្តនេះ។​
តាម​ប្រជាពលរដ្ឋ​អះអាងថាដើម្បី​លាក់លៀម​ព័ត៌មាន​នៃ​ការកាប់បំផ្លាញ​ដែន​អភិរក្ស​បរិស្ថាន​ភ្នំ ព្រេច​នេះក្រុមហ៊ុនលឹម​រ៉ូយ៉ាល់​គ្រុប​បាន​ចាត់ចែង​ឲ្យ​បុរស​ម្នាក់​ដែល​អះអាងថាខ្លួនជាអ្នកកាសែត ដែលមានឈ្មោះ « ញឹប ពិសី »ដើម្បី​យកលុយ​ទៅ​បំបិទមាត់​អ្នកសារព័ត៌មាន​ច្រើន​ស្ថាប័ន ដើម្បី​កុំ​ឲ្យ​ចុះផ្សាយ​ព័ត៌មាន​នៃ​មហា វិនាសកម្ម​ព្រៃឈេីនោះ ។ ទន្ទឹម​នោះ​ឈ្មោះញឹប ពិសី នេះ​ក៏បាន​អួតអាង​ខ្លួនឯង​ថាជា​ជំនួយការ​ថ្នាក់ដឹកនាំ​កងរាជ​អាវុធហត្ថ​លើ​ផ្ទៃ​ប្រទេស​ដែលមានលោកសៅ សុខាជាមេបញ្ជារបស់ខ្លួនថែមទៀត។​
ពាក់ព័ន្ធនឹងមហា​វិនាសកម្ម​ព្រៃឈើ​នេះ ប្រជា​សហគមន៍ និង​សកម្មជន ការពារ​ព្រៃឈើ រស់នៅ​ភូមិ​ខ្ទ​ង .​ភូមិ​អ​ន្ទ្រ​ង​.​ភូមិរ​យ៉​ក្រោម ក្នុង​ឃុំ​ចុង​ផ្លាស់​.​សុខសាន្ដ​.​ឃុំ​ស្រែ​សង្គម​.​ឃុំរ​យ៉​.​ស្រុក​កែវ​សី​ម៉ា និងស្រុក​កោះ​ញែក ដាក់​ការសង្ស័យថា មន្ត្រី​ធំៗ​ក្នុង​សាលាខេត្ត រួមទាំង​មន្ត្រី​បរិស្ថាន និង​មន្ត្រីរដ្ឋបាល​ព្រៃឈើ​ក៏​ជា​អ្នក​រួម​គំ​នឹ​ត​កាប់បំផ្លាញ​ព្រៃឈើ​ សហគមន៍​និង​ព្រៃ​ដែន​ជម្រក អភិរក្ស​ជីវៈចម្រុះ​បរិស្ថាន​ភ្នំ​ព្រេច​នេះ​ផងដែរ ។
​សូមជម្រាបថាព្រៃ​សហគមន៍និង​ព្រៃ​អភិរក្ស​បរិស្ថាន​ភ្នំ​ព្រេចនេះដែលមាន​អនុ​ក្រិត​ឡាយព្រហស្ថ​ ទទួលស្គាល់​ពី​ព្រះមហាក្សត្រប៉ុន្តែ​បច្ចុប្បន្ននេះកំពុង​រង​នូវ​ការកាប់​ទន្ទ្រាន​យ៉ាងធ្ងន់ធ្ងរពី​សំណាក់​ក្រុប​ហ៊ុន លឹម​រូ​យ៉ា​ល់​គ្រុប ដែលមាន​ទីតាំងនៅ​ឃុំរ​យ៉​ក្រោម ស្រុក​កោះ​ញែក ខេត្តមណ្ឌលគិរី ហើយ​គេ​ដឹង​ច្បាស់​ថា ឈ្មោះ​ស្រេង ម៉េង ហៅ អា​ម៉េង ៣​ពួ​ថៅ ជា​មេការ និង​ឈ្មោះ​ប៉ុល វិសាល ឈ្មោះ សាន ច​យ សហការគ្នា​ដាក់ ភាគហ៊ុន​រួមសហការ​គ្នា បំផ្លាញ​ព្រៃសហគមន៍និង​ដែន​អភិរក្ស​បរិស្ថាន​ភ្នំ​ព្រេច ។​
​ប្រភព​បាន​បន្តថាក្រុម​បក្ខពួក​ទាំង​៤​នាក់បាននិងកំពុង​ឲ្យ​បក្ខពួក​កូនចៅ​ដើរ​បំផុស​គៀងគរ ប្រជាពលរដ្ឋ​រាប់សិប​នាក់ មាន​ទាំង​រណា​យន្ដ និង​រថយន្ដ​ប៉ា​កុង-​រថយន្ដ​កែឆ្នៃ​ជាច្រើន​គ្រឿង​ទៀត ចូល​កាប់​ទន្ទ្រាន​និង​ដឹកជញ្ជូន​ក្នុង​ដែន​អភិរក្ស​ជីវៈចម្រុះ​បរិស្ថាន​ភ្នំ​ព្រេច មក​ដាក់​ក្នុង​ដី​ក្រុមហ៊ុន លឹម​រូ​យ៉ា​ល់​គ្រុប យ៉ាង​រលូន​គ្មាន​ការរំខាន រារាំង នឹង​ត្រួតពិនិត្យ​ពី​សំណាក់​អាជ្ញាធរ​ជំនាញ ពាក់​ព​ន្ធ័​នោះឡើយ ។ ចំណែក​ក្រុមហ៊ុនរ៉ូយ៉ាលគ្រុប​គឺ​ចាំតែ​ចំណាយលុយ​ទិញ​ពី​ប្រជាពលរដ្ឋ​យកមក​ស្តុក​ក្នុង​ក្រុមហ៊ុន ហើយ​បន្លំ​ឲ្យ​ទៅជា​ឈើ​ស្របច្បាប់​តែម្តង ។
​តាម​ប្រជាពលរដ្ឋ រួមទាំង​មន្ត្រី​សហគមន៍​បាន​ឲ្យ​ដឹងថាឈ្មោះ ស្រេង ម៉េង ហៅ​ម៉េង​បី​ពូថៅជា​បុគ្គល ពួ​កែ​ទំនាក់ទំនង និង​ជិតស្និទ្ធ​មេ​ធំៗ​ហើយ បាន​រត់ ការ​តាមផ្លូវ ដោយ​ប្រើ​ដុល្លា​យ៉ាងច្រើន រៀបចំ​ជា​កញ្ចប់ ឲ្យ​មន្ត្រី​អាជ្ញាធរ​ជំនាញ​ពាក់​ព​ន្ធ័ ដើម្បី​ឲ្យ​បិទ​ភ្នែក​តាម​រូបភាព​បង្វែ​ឈើ​ខុសច្បាប់​ទៅជា​ស្របច្បាប់​វិញ ។ ទន្ទឹម​នោះ​ពួកគេ​ក៏​រៀប ចំ​ជា​កញ្ចប់​លុយ​សម្រាប់​អ្នកសារព័ត៌មាន​ផងដែរ ដែល​ប្រគល់​ភារកិច្ច​ឲ្យ​ឈ្មោះ ញឹប ពិសី ជា​អ្នក​ដោះ ស្រាយ ។​
​តាម​ប្រភព​ច្បាស់ការ​ឲ្យ​ដឹងថា ក្រុមហ៊ុន​នេះ​បាន​ប្រើប្រាស់​ច្រើន​រូបភាព​ណាស់ដើម្បី​បំភ័ន្ត​ភ្នែក ថ្នាក់លើ ហើយ​ក្រៅពី​រូបភាព​ខាងលើ​គេ​ក៏បាន​លួច​ឃុបឃិត​គ្នា​ធ្វើ​( PC ) រថយន្ដ​១​គ្រឿង​មាន ( PC ) បានតែ ១៨​ម៉ែត្រគូប​ប៉ុណ្ណោះ ផ្ទុយទៅវិញ​រថយន្ដ​ទាំងនោះ​សុទ្ធតែ​រថយន្ដ​ខ្នាត​យ​ក្យ ម៉ា​កវេ​អង ផ្ទុក ពី​៤០​ទៅ​៤៥​តោន​ទៅ​៥០​តោន ចេញពី​ក្រុមហ៊ុន​លឹម​រូ​យ៉ា​ល់គ្រុប ឆ្លងកាត់​ទៅ​ខេត្ត​រតនគីរី ចូលទៅ​ប្រទេស​វៀតណាមតាម​ច្រកទ្វា​អន្តរជាតិ​អូរ​យ៉ា​ដាវ​ដែលមានលោកអ៊ីចំរេីនមន្ត្រីនគរបាល អន្តោប្រវេសន៏ ជាមេប៉ូស្តិ៍។
​ទន្ទឹម​នោះ​ក៏មាន​មួយផ្នែក​ទៀត​ដឹក​ជ​ញ្ជួ​ន​ចេញពី ក្រុមហ៊ុន លឹម រូ​យ៉ា​ល់គ្រុប កាត់​តាម​ស្រុក​ស្នួល ​ខេត្តក្រចេះ ឆ្លងដែន​តាម​ច្រកទ្វា​អន្តរជាតិ​ត្រពាំង​ស្រែ ទៅ​លក់​នៅ​ប្រទេស​វៀតណាម​យ៉ាង​រលូន។ កត្តា​នេះហើយ​ធ្វើ​ឲ្យ​ប្រជាពលរដ្ឋ​និង​មជ្ឈដ្ឋាន មហាជន មានការ​រិៈ​គន់​ថា អាជ្ញាធរ និងសមត្ថកិច្ច មានការ​រួម​គំ​នឹ​ត​ពុករលួយបើ​ពុំ​នោះទេក្រុមហ៊ុន​ដ៏​ធំ​មួយ​នេះមិនអាច​ដឹកជញ្ជូន​ឈេីចេញ​បាន​នោះឡើយ ។​
​ប្រជាពលរដ្ឋនិង​ប្រជា​សហគម​ន៏​ការពារ​ព្រៃឈើ​ស្នើរ​ដល់ប្រមុខរដ្ឋាភិបាលកម្ពុជាចាត់ឲ្យមន្ត្រី របស់លោក​បើក​ការស្រាវជ្រាវដើម្បី​ចាត់វិធានការ​ជាបន្ទាន់ដោយ​កុំ​ចាំបាច់​មាន​របាយការណ៍​ពី​ថ្នាក់ក្រោម ខណះដែល​ពួកគេ​បាន​ឃុបឃិត​គ្នា​បំផ្លាញ់ព្រៃឈេីអស់​ទៅហើយនោះ ។ ដូច្នេះ​មានតែ​ប្រមុខរាជរដ្ឋាភិបាល​ប៉ុណ្ណោះដែល​អាច​ចាត់វិធានការ​បង្ក្រាប​ស​កម្ម​ភាព​កាប់បំផ្លាញ​ឈើ​ខុសច្បាប់​ខាងលើនេះ​បាន។ប៉ុន្តែ​បើសិនជាមិនមានវិធានការបង្ក្រាបទាន់ពេលទេ​នោះព្រៃឈើ​នៅ​ដែន​ជម្រក​បរិស្ថាន​ភ្នំ​ព្រេច នឹង​វិនាស​មហន្តរាយ​ជាមិន​ខាន។
នៅពេលនេះ សារព័ត៌មានជាតិខ្មែរមិនអាចទាក់ទង លោកឧកញ៉ា លឹម ប៊ុណ្ណានិងភរិយា ឈ្មោះ ថុង ធីតាដេីម្បីសាកសួរពីសកម្មភាពកាប់បំផ្លាញព្រៃឈេីរបស់ខ្លួន នៅ​ដែន​ជម្រក​បរិស្ថាន​ភ្នំ​ព្រេច បានទេ៕
រថយន្តដឹកឈេីរបស់ក្រុមហ៊ុន លឹម រ៉ូយ៉ាល់គ្រុប ចេញដំណេីរឆ្ពោះទៅ
ស្រុកយួន ជារៀងរាល់យប់។

 

ព័ត៌មានគួរចាប់អារម្មណ៍

សម្របសម្រួល​គ្នា ? មេ​ពន្ធដារ​ស្នើ​ឲ្យ​បញ្ចប់​វិវាទ​ផ្ទាល់ខ្លួន​រវាង​មេ​រង​ពន្ធដារ វ៉ាន់ ពុទ្ធិ​ពល និង​ក្រុម​មេធាវី​៦១​នាក់ ដោយ​សន្តិវិធី និង​យោគយល់​គ្នា​ក្នុង​កម្រិត​ខ្ពស់បំផុត (គតិជាតិខ្មែរ)

ព័ត៌មានគួរចាប់អារម្មណ៍

ឈ្មួញ​​ឈើធំ ជាមន្រ្តីប៉េអឹមខេត្ត​ត្បួងឃ្មុំ ឈ្មោះ​ ស្រ៊ុន ផឹងឡាយ​ មានខ្នងបង្អែ​កដ៍រឹង​មាំក្នុងខេត្ត​ ធ្វើសកម្មភា​ពដឹក​ឈើប្រណិត​ ទៅលក់នៅស្រុកយួន ពេញបន្ទុក (គតិជាតិខ្មែរ)

ព័ត៌មានគួរចាប់អារម្មណ៍

គណៈមេធាវី​ប្រុង​ធើ​កលោក វ៉ាន់ ពុទ្ធិ​ពល អគ្គនាយករង​ពន្ធដារ មែនទែន​ហើយ​! (គតិជាតិខ្មែរ)

ព័ត៌មានគួរចាប់អារម្មណ៍

រដ្ឋធម្មនុញ្ញ និង​ច្បាប់​ស្តីពី​ទូរគមនាគមន៍​ក្លាយជា​«​ក្រដាសអនាម័យ​» នៅពេលដែល​ការសន្ទនា​តាម​ប្រព័ន្ធ​ទូរគមនាគមន៍​«​បែកធ្លាយ​ដូច​ទឹកបាក់​ទំនប់​» (គតិជាតិខ្មែរ)

ព័ត៌មានគួរចាប់អារម្មណ៍

​ប៊ុន សេរី អធិរាជ​ស្តេច​លុយ​ប្រចាំ​សាលាក្រុង​ភ្នំពេញ​ខ្លួន ជាលា​ពាក់​ស្បែក​ខ្លា​ប្រឹង​បឺត​ជញ្ជក់​ឈាម​ជាតិ​ឆ្អែត​ហើយ​ឬ​នៅ ? (គតិជាតិខ្មែរ)

វីដែអូ

ចំនួនអ្នកទស្សនា

ថ្ងៃនេះ :
5641 នាក់
ម្សិលមិញ :
34663 នាក់
សប្តាហ៍នេះ :
329023 នាក់
ខែនេះ :
2141308 នាក់
3 ខែនេះ :
6067689 នាក់
Online :
1917 នាក់
សរុប :
53294545 នាក់