ខេត្តស្ទឹងត្រែង៖ បើតាមសេចក្តីរាយការ​ណ៍ ពិសេសរបស់ភ្នាក់ងារ យើងទទួលបានឈើប្រណិតជាច្រើន ម៉ែត្រគូប ដែលត្រូវបាន គេកាប់បំផ្លាញដោយ ខុសច្បាប់ ពីកន្លែងនានា  ក្រៅពីតំបន់បាតអាង បែ​ប ឃុបឃិត ពេលនេះពួកគេកំពុង ដឹកយកទៅ គរទុក​ក្នុងបរវេណ ទំនប់វារីអគ្គីសនីសេសាន ក្រោម​២ក្នុងភូមិសាស្រ្តទឹកដីភូមិ ស្រែគរថ្មី  ឃុំស្រគ​រ ស្រុកសេសាន  ខេត្តស្ទឹងត្រែង ដើម្បី បំភ័ន្តភ្នែកម ហាជន រួចយកទៅជ្រៀកតាមខ្នាតតម្រូវការទីផ្សារ ហើយដឹកចេញពីតំបន់នោះតាមរថយន្តយីឌុ​បធំៗបន្តឆ្ពោះ ទៅកាន់ ទីផ្សារគោលដៅតាមច្រកបុស្សមន ។
សកម្មភាពនេះត្រូវគេនិយាយថាបន្ទាប់ពីក្រុ​មហ៊ុនរបស់លោកឧកញ៉ាគិត ម៉េងបានបញ្ចប់ការងារស្តារបាតអាងរួចមក​ក៏ត្រូវបានលក់អាជ្ញារប័ណ្ណបន្តទៅឲ្យលោ​កឧកញ៉ាម្នាក់ទៀតដែលគេស្គាល់ឈ្មោះ​ថាលោកឧត្តមសេនីយ៍ឯកមុត សុផាណារ៉េត (ហៅឧកញ៉ាជ័យ) អតីតមេបញ្ជាការរងកងអង្គរក្សសម្តេចជា ស៊ីម និងជានាយកក្រុមហ៊ុនហួត ម៉េងរីតា និង​មានមេការធំគ្រប់គ្រងពីរនាក់ទៀតដែលធ្លាប់ធ្វើការនៅទីនោះ ឈ្មោះសាន ចយ និងលោកទឹម ប៊ុនលីន ។បន្ទាប់ពីទទួលសិទ្ធិកាន់កាប់អាជ្ញារប័ណ្ណ​នេះក្រោមលេសជាក្រុមហ៊ុនស្តារបាតអាងក្នុងទំនប់វារីអគ្គីសនីសេសានក្រោម២ ក្រុមលោកឧកញ៉ាជ័យក៏បានពង្រាយកូ​នចៅរបស់ខ្លួនឲ្យបន្តនិងចាប់ផ្តើមសកម្មភាព ក្នុងការកាប់បំផ្លាញព្រៃឈើពីតំបន់ផ្សេងៗទៀត ដឹកជញ្ជូនយកមកស្តុកទុកក្នុងតំបន់ទំន​ប់វារីអគ្គីសនីសេសានក្រោម២ រួចបង្វែរទៅជាឈើស្របច្បាប់(ក្លែងក្លាយ)ក្នុងន័យស្តារបាតអាងនិងមានច្បាប់អនុ​ញ្ញាតិត្រឹមត្រូវ ។ រីឯទំហំដីរបស់​ទំនប់វារីអគ្គីសនី​សេសានក្រោម២ គួរបញ្ជាក់ផងដែរថាគឺមានតែជាង៣ម៉ឺនហិកតាប៉ុណ្ណោះ ហើយការកាប់ឈើរបស់ក្រុមលោកឧកញ៉ាជ័យ​មានវិសាលភាពលើសលប់ហួសផុតពីទឹកដីកម្មសិទ្ធិរបស់អាជ្ញាបណ្ណ័ទៅទៀត ។ក្នុងនោះក៏មានការកាប់បំផ្លាញឈើយកមកពីព្រៃ​សហគមន៍ផងដែរ ។ ជាក់ស្តែង រថយន្តប្រភេទយីឌុបធំៗខ្នាតយក្ស ដែលត្រូវបានគេមើលឃើញថា កំពុងតែសម្រុកដឹកជញ្ជូនឈើចេញពីទំនប់វារីអគ្គីស​នីសេសានក្រោម២នោះ ក្នុង១យប់ៗមិនតិចជាង៣០គ្រឿងនោះទេ ។ ពាក់ព័ន្ធនិងសកម្មភាពសម្រុកដឹកជញ្ជូនឈើនេះ ត្រូ​វគេនាំគ្នា និយាយថា បើទោះបីជាមានអាជ្ញាប័ណ្ណត្រឹមត្រូវ ហើយឈើដែលកំពុងតែដឹកជញ្ជូនយ៉ាងគគ្រឹកគគ្រេ​ងសព្វថ្ងៃនេះ មានមួយចំនួនធំ មិនមែនជាឈើដែលកាប់នៅក្នុងតំបន់ស្តារបាតអាង​នៃទំនប់វារីអគ្គីសនីនោះឡើយ ។ទាក់ទងនិងបញ្ហា​នេះ​​ លោកប្រធានមន្ទីរកសិកម្មខេត្តក៏បានលើក​ឡើងដែរថាផ្ទៃដីស្តារបាតអាងគឺមានទំហំតែ៣៦០០០​ហិកតាប៉ុណ្ណោះ ។ដោយហេតុនេះហើយមហាជនបាន​និយាយទៀតថា ក្រសួងនិងស្ថាប័នពាក់ព័ន្ធមេត្តា​គួរចុះទៅធ្វើអធិការកិច្ចនៅតំបន់នោះ​ផង!ចុះ។បើមានប្រតិកម្មរង់ចាំស្រាយរាល់ម៉ោងធើ្វការ៕