ថ្ងៃអង្គារ៍ ទី២៣ ខែកក្កដា ឆ្នាំ២០៥០
គេហទំព័រកាសែត គតិជាតិខ្មែរ, សារព័ត៌មានជាគ្រឹះនៃលទ្ធិប្រជាធិបតេយ្យ
​ក្រុម​មេ​ឈ្មួញ​ដុះ​ស្លែរ​ឈើ​ដ៏​ល្បីឈ្មោះ ណាប់ វណ្ណៈ​ហៅ​(​អា​ណាក់​)​ក្បាល​ធំ​ជា​មន្ត្រី​អាវុធហត្ថ​ខេត្ត​រតនគិរី និង ហ៊ូ​វ ជី​វ៉ៃ ហៅ​(​អា​វ៉ៃ​)​ចាប់ផ្ដើម​ដឹកជញ្ជូន​ឈើ ខុសច្បាប់​ទៅ​លក់​នៅ​ស្រុក​យួន​ទ្រង់ទ្រាយ​ធំ​ទៀត​ហើយ ! ក្រុម​បង្ក្រាប​ផ្ទៃ​ប្រទេស​មិន​ហ៊ាន​ប៉ះពាល់​ក្រុម​ប្រដាប់អាវុធ​បទល្មើស​ព្រៃឈើ គឹម រស្មី ហ៊ូ​វ ជី​វ៉ៃ និង ណាប់ វណ្ណះ !
Sun,05 November 2017 (Time 04:15 PM)
ដោយ ៖ ktk168 (ចំនួនអ្នកអាន: 797នាក់)


ខេត្តរ​តនះ​គីរី ៖ តាម​សកម្មជន​ព្រៃឈើ និង​ប្រជាពលរដ្ឋ​ក្នុង​ក្រុង បាន​លុង បានឲ្យដឹងថា ថ្មីៗ​នេះ​មាន​រថយន្ត សាំ​យ៉ុង​ជា ច្រើន​គ្រឿង ត្រូវបាន​គេ​ប្រើប្រាស់ ដើម្បី​ដឹក​ឈើ​ចេញពី ឃ្លាំង​ស្តុក​ឈើ​ដ៏​ធំ​មួយ នៅក្នុង​ភូមិ​អភិវឌ្ឍន៍  សង្កាត់​ឡា​បាន សៀក​ក្រុង បាន​លុង​ដែល ជា ឃ្លាំង​របស់​ឈ្មោះ ណាប់ វណ្ណៈ  ហៅ​ណាក់​ក្បាល​ធំ និង​មេ​ឈ្មួញ ហ៊ូ​វ ជី​វ៉ៃ ដែល​កន្លង​មក​ឃើញ​សកម្មភាព​នោះ​ត្រូវបាន​ផ្អាក​មួយ​រយះ ។​

​បើ​តាម​មន្ត្រី​រាជការ និង​សមត្ថកិច្ច​ក្នុង​ក្រុង​បាន​លុង  បានឲ្យដឹងថា ឈ្មោះ ណាប់ វណ្ណៈ ហៅ​ណាក់​ក្បាល​ធំ ដឹកជញ្ជូន​ឈើ ប្រណីត​ខុសច្បាប់ ស្ទើរ​រាល់​យប់​ថ្ងៃ ចេញពី​តំបន់​ព្រៃ សហគមន៍​ស្រុក​កូន​មុំ ស្រុក​វ៉ើន​សៃ យក​មក​ស្តុក​ទុក​ក្នុង​ឃ្លាំង នៅ​សង្កាត់ ឡា​បាន​សៀក ក្រុង​បាន​លុង ហើយ​បន្ត​ដឹក ជញ្ជូន​ចេញទៅ ស្រុក​យួន យ៉ាង​រលូន​។​

​ប្រភព​បានឲ្យដឹងថា  មាន​ឈ្មួញ​យួន​សហការ​ជាមួយ ឈ្មោះ ណាប់ វណ្ណៈ  ហៅ​ណាក់​ក្បាល​ធំ រត់​ការបង់ លុយ​ឲ្យ សមត្ថកិច្ច​តាម​ដងផ្លូវ​ជា ច្រើន​ស្ថាប័ន ហេតុនេះហើយ ទើប​ឈ្មោះ ណាប់ វណ្ណៈ ហៅ ណាក់​ក្បាល​ធំ អាច​ធ្វើ​សកម្ម ភាព​ដឹកជញ្ជូន ឈើ​យ៉ាង​ស្រួលៗ​។​

​សេចក្ដីរាយការណ៍ ពី​សមត្ថកិច្ច​ពាក់ព័ន្ធ​ក្នុ ង​ខេត្តរតនគិរី បានឲ្យដឹងថា មួយ​រយៈពេល កន្លងទៅនេះ ឈ្មួញ​ឈើ ឈ្មោះ​ណាប់​វណ្ណៈ ហៅ​ណាក់​ក្បាល​ធំ បាន​បង្កើន​សកម្មភាព ដឹកជញ្ជូន​ឈើ​ចេញ ទៅ​ស្រុក​យួន​ដោយ គ្មាន​ញញើត អ្វី​ទាំងអស់ ព្រោះ គ្មាន​សមត្ថកិច្ច ណា​ហ៊ាន​ប៉ះពាល់​ឡើយ​។

​ប្រភព​បានឲ្យ ដឹង​ទៀត​ថា​ឈ្មោះ  ណាប់ វណ្ណៈ ហៅ​ណាក់​ក្បាល​ធំ ជា មន្ត្រី​អាវុធហត្ថ ខេត្ត​រតនគិរី ហើយ​មាន​លោក គឹម រស្មី មេបញ្ជាការ​កង រាជ​អាវុធហត្ថ​ខេត្ត​រតនគិរី ជា​ខ្នងបង្អែក​យ៉ាង រឹងមាំ​ទើប​ហ៊ាន​ធ្វើ​អ្វីៗ ស្រេច​តែ​អំពើ​ចិត្ត​។​

​មាន​ការលើកឡើង​ថា ៖ ដោយសារ​ឈ្មោះ ណាប់​វណ្ណៈ ហៅ​ណាក់​ក្បាល​ធំ អាច​ដឹក​ជញ្ជូន​ឈើ ចេញ​ទៅ​ស្រុក យួន​យ៉ាង​រលូន ទើប​ព្រៃឈើ នៅ​ស្រុក​អូរ​ជុំ ស្រុក​កូន​មុំ ស្រុក​វ៉ើន​សៃ ខេត្ត​រតនគិរី និង​ស្រុក​សៀម​ប៉ាង ខេត្ត​ស្ទឹងត្រែង កំពុង​ប្រឈម នឹង​ការបំផ្លាញ យ៉ាង​មហន្តរាយ​។​

​មិនតែប៉ុណ្ណោះ​មេ​ឈ្មួញ​មួយចំនួន​នៅក្នុង​ខេត្ត​រតនគិរី បានឲ្យដឹង​ថា​ឈ្មោះ ណាប់ វណ្ណៈ ហៅ​ណាក់​ក្បាល​ធំ មាន​ខ្នងបង្អែក យ៉ាងរឹងមាំ ហើយ​អាច​រកស៊ី ដឹកជញ្ជូន​ឈើ ខ្លាំងក្លា​ជាង​គេ ក្នុងចំណោម ឈ្មួញ​ធំៗ​ជាច្រើន​នាក់ ទៀត​នៅក្នុង​ខេត្ត​រតនគិរី​។​

​ដូចជា​ពេល​ខ្លះ​ឈ្មោះ ណាប់ វណ្ណៈ ហៅ​ណាក់​ក្បាល​ធំ បាន​ប្រមូល​ទិញ ឈើ​ពី​ឈ្មួញ​ដែល ដឹក​តាមរ ថយ​ន្ត សាំ​យ៉ុង​ពី ស្រុក​សៀម ប៉ាង យកមក​លក់ នៅ​ចំណុច ទន្លេស្រែពក ស្រុក​កូន​មុំ ដោយ​ឈ្មួញ​តូចៗ​ខ្លះ​ដឹ ក​ជញ្ជូន​ឈើ​តាម​ផ្លូវទឹក យក​មក​គរ​ទុក​នៅ ចំណុច​កំពង់ ដ​ស៊ី​នឿន​ចាស់ ហើយ​មាន​រថយន្ត យី​ឌុប​ធំៗ​ទៅ​ប្រមូល ដឹកជញ្ជូន​បន្ត​។​

​ដោយឡែក ប្រភព​បានឲ្យដឹង​ទៀត​ថា​ឈ្មោះ ណាប់ វណ្ណៈ ហៅ​ណាក់​ក្បាល​ធំ មាន​លាក់ទុក​ឈើ នៅ​ចំណុច​ភូមិ កា​ឡាន់​ញ៉ៃ ឃុំ​ប៉ុង ស្រុក​វ៉ើន​សៃ និង​ដឹក​ចេញពី​តំបន់ អភិរក្ស​ស្រុក លំផាត់ ចេញ​តាម​ផ្លូវ លំ​ក្រាល​ក្រួស​ក្រហម ចូល​ទៅ​ផ្លូវ​ជាតិ លេខ​៨ ហើយ​ចេញ ទៅ​ស្រុក​យួន​តាម ច្រក​អូរយ៉ាដាវ​យ៉ាង​រលូន​។​

​ផ្ទុយទៅវិញ ទង្វើ​របស់​ឈ្មោះ ណាប់ វណ្ណៈ ហៅ​ណាក់​ក្បាល​ធំ និង ហ៊ូ​វជី​វ៉ៃ គឺជា​ការបំពាន លើ​បទបញ្ជា​របស់ លោកនាយក​រដ្ឋមន្ត្រី ហ៊ុន សែន ដែល​ជា​ប្រមុខ រាជរដ្ឋាភិបាល យ៉ាង​គឃ្លើន​បំផុត ប៉ុន្ដែ​បែរជា​ក្រុម​បង្ក្រាប​អាវុធហត្ថ​ផ្ទៃ​ប្រទេស​បែរជា​ធ្វើ​មិនដឹងមិនលឺ បណ្ដោយ​អោយ​ក្រុម​លោក គឹម រស្មី និង​បក្ខពួក ហ៊ូ​វ ជី​វ៉ៃ និង ណាប់ វណ្ណះ ធ្វើ​ព្យុះ​ធ្វើ​ភ្លៀង​ជាន់ឈ្លី​ច្បាប់ ព្រៃឈើ​នឹង​អនុ​សាស្ត្រ​របស់​លោកនាយ​ក​រដ្ឋមន្ត្រី ហ៊ុន សែន តាមតែ​ទំនើងចិត្ត​ទៅវិញ ៕
​ដោយ អភិរក្ស​ព្រៃឈើ​

 

avaioct1

ព័ត៌មានគួរចាប់អារម្មណ៍

សម្របសម្រួល​គ្នា ? មេ​ពន្ធដារ​ស្នើ​ឲ្យ​បញ្ចប់​វិវាទ​ផ្ទាល់ខ្លួន​រវាង​មេ​រង​ពន្ធដារ វ៉ាន់ ពុទ្ធិ​ពល និង​ក្រុម​មេធាវី​៦១​នាក់ ដោយ​សន្តិវិធី និង​យោគយល់​គ្នា​ក្នុង​កម្រិត​ខ្ពស់បំផុត (គតិជាតិខ្មែរ)

ព័ត៌មានគួរចាប់អារម្មណ៍

ឈ្មួញ​​ឈើធំ ជាមន្រ្តីប៉េអឹមខេត្ត​ត្បួងឃ្មុំ ឈ្មោះ​ ស្រ៊ុន ផឹងឡាយ​ មានខ្នងបង្អែ​កដ៍រឹង​មាំក្នុងខេត្ត​ ធ្វើសកម្មភា​ពដឹក​ឈើប្រណិត​ ទៅលក់នៅស្រុកយួន ពេញបន្ទុក (គតិជាតិខ្មែរ)

ព័ត៌មានគួរចាប់អារម្មណ៍

គណៈមេធាវី​ប្រុង​ធើ​កលោក វ៉ាន់ ពុទ្ធិ​ពល អគ្គនាយករង​ពន្ធដារ មែនទែន​ហើយ​! (គតិជាតិខ្មែរ)

ព័ត៌មានគួរចាប់អារម្មណ៍

រដ្ឋធម្មនុញ្ញ និង​ច្បាប់​ស្តីពី​ទូរគមនាគមន៍​ក្លាយជា​«​ក្រដាសអនាម័យ​» នៅពេលដែល​ការសន្ទនា​តាម​ប្រព័ន្ធ​ទូរគមនាគមន៍​«​បែកធ្លាយ​ដូច​ទឹកបាក់​ទំនប់​» (គតិជាតិខ្មែរ)

ព័ត៌មានគួរចាប់អារម្មណ៍

​ប៊ុន សេរី អធិរាជ​ស្តេច​លុយ​ប្រចាំ​សាលាក្រុង​ភ្នំពេញ​ខ្លួន ជាលា​ពាក់​ស្បែក​ខ្លា​ប្រឹង​បឺត​ជញ្ជក់​ឈាម​ជាតិ​ឆ្អែត​ហើយ​ឬ​នៅ ? (គតិជាតិខ្មែរ)

វីដែអូ

ចំនួនអ្នកទស្សនា

ថ្ងៃនេះ :
31735 នាក់
ម្សិលមិញ :
41039 នាក់
សប្តាហ៍នេះ :
416185 នាក់
ខែនេះ :
2472696 នាក់
3 ខែនេះ :
6992483 នាក់
Online :
10615 នាក់
សរុប :
58145720 នាក់